ئێواره‌ى ئه‌مڕۆ دووشه‌ممه‌ به‌ بیانووى بوونى بنكه‌ و باره‌گاكانی پارتی كرێكانی كوردستان (په‌كه‌كه‌) فڕۆكه‌ جه‌نگییه‌كانى سوپای توركیا، ناوچه‌ سنوورییه‌كانى سیده‌كانیان له‌ ده‌ڤه‌رى برادۆست به‌ خه‌ستی بۆردومان كرد.



ئیحسان چه‌له‌بى، به‌ڕێوه‌به‌رى شارده‌ێى سیده‌كان، راگه‌یاند: "ئێواره‌ی ئه‌مڕۆ دووشه‌ممه‌ (7-5-2018)فڕۆكه‌ جه‌نگییه‌كانی توركیا به‌بیانووی بوونی چه‌كدارانی په‌كه‌كه‌ هه‌ریه‌ك له‌ ناوچه‌كانی چیاى دێڵ و گه‌رووى كه‌وره‌ته‌ و گردى سێگركان و چه‌ند ناوچه‌یه‌كى سنووریی شارده‌ێى سیده‌كانیان له‌ ده‌ڤه‌رى برادۆست بۆردومان كرد و چه‌ند كاتژمێرێكی خایاند".



گوتیشی: "تائێستا زیانه‌كانى ئه‌و بۆردومانانه‌ی ئێواره‌ی ئه‌مڕۆ نه‌زانراوه‌ به‌ڵام تاوه‌كو ئێستا فڕۆكه‌ جه‌نگییه‌كانی توركیا به‌به‌رده‌وامی به‌ ئاسمانی ناوچه‌كه‌دا ده‌سوڕێنه‌وه‌".





باسنیوز