كۆمسیۆنا بلند یا سه‌ربه‌خۆ یا هه‌لبژارتنێن ل پارێزگه‌ها دهۆكێ هاوولاتیان ئاگه‌هدار دكه‌ت كو بنگه‌هێن وان ل دانێ شه‌ڤێ و ئێڤارى ژى دڤه‌كرینه‌ بۆ دانا كارتێن ده‌نگدانێ و هاوولاتى دشێن كارتێن خوه‌ وه‌ربگرن.



سه‌كڤان دێره‌شى، به‌رپرسێ راگه‌هاندنا كۆمسیۆنا بلند یا سه‌ربه‌خۆ یا هه‌لبژارتنێن ل پارێزگه‌ها دهۆكێ بۆ دیار كر، ئه‌ڤه‌ ماوه‌یه‌كه‌ بنگه‌هێن وان یێن به‌لاڤكرنا كارتێن ده‌نگدانێ ل دانێ ئێڤارى و هه‌تا دره‌نگى شه‌ڤ ژى دڤه‌كرینه‌ و تیمێن وان به‌رده‌وام كارتێن ده‌نگدانێ به‌لاڤ دكه‌ن، هاوولاتى دشێن قه‌ستا بنگه‌هێن ده‌نگدانێ بكه‌ن بۆ وه‌رگرتنا كارتێن خوه‌، ب تایبه‌ت ل ده‌مێ شه‌ڤێ چو قه‌له‌بالغ نینن و خه‌لك دشێت ب ئاسانى كارتێن خوه‌ وه‌ربگرن.



ئاشكرا ژى كر كو نها دابه‌شكرنا كارتێن ده‌نگدانێ ل دهۆكێ گه‌هشتیه‌ زێده‌ترى 85% و خه‌لك به‌رده‌وام ژى یێ وه‌ردگرن و گۆت: "ل پارێزگه‌ها دهۆكێ 41 بنگه‌هـ بۆ دابه‌شكرنا كارتێن ده‌نگدانێ هاتینه‌ ڤه‌كرن و 729 هزار ده‌نگده‌رێن گشتى و تایبه‌تى هه‌نه‌ و ل رۆژا هه‌لبژارتنان دا 277 بنگه‌هێن ده‌نگدانێ دێ هێنه‌ ڤه‌كرن".
bas news-