ده‌مه‌كه‌ هاولاتیێن باشورێ كوردستانێ بۆ وه‌رگرتنا كارتێن خوه‌ یێن ده‌نگدانێ دچنه‌ پارێزگه‌ها مووسل به‌لێ ب رێڤه‌ حه‌شدا شه‌عبى رێگریێ لێ دكه‌ت.



خه‌لیل مه‌حمود ، قایمقامێ قه‌زا به‌رده‌ره‌ش ، راگه‌هاند: "مه‌ گه‌له‌ك بزاڤ كرینه‌ كو هه‌مو رێكێن ناڤبه‌را كوردستانێ و مووسل دا بهێنه‌ ڤه‌كرن به‌لێ هه‌تا نوكه‌ ب فه‌رمى هه‌مو رێك نه‌هاتینه‌ ڤه‌كرن و ئه‌ڤ چه‌نده‌ ژى بۆیه‌ مه‌زنترین ئاسته‌ك هه‌مبه‌ر وان هاولاتیێن كارتێن وان یێن ده‌نگدانێل مووسل".



ناڤبرى گوتژى: "حه‌شدا شه‌عبى رێگریێ ل وان هاولاتیا دكه‌ت ئه‌وێن بۆ وه‌رگرتنا كارتا خوه‌یا ده‌نگدانێ دچنه‌ مووسل مه‌به‌ست ژى ئه‌وه‌ نه‌ڤێت كورد پشكدارى هه‌لبژاردنا بن له‌ورا هه‌مو رێكا ب كاردئینن حه‌شدا شه‌عبى ل سنورێ ده‌شتا مووسل.



ته‌كه‌ز كر: "ب رێكا جڤاتا پارێزگه‌هێ و پارێزگه‌هێ مه‌ داخوازا ڤه‌كرنا رێكا هه‌مویا كریه‌ به‌لێ ئه‌وێن هاتیه‌ ڤه‌كرن ژى حه‌شدا شه‌عبى ب كه‌یفا خوه‌ ره‌فتارا ل گه‌ل هاولاتیا دكه‌ت دور ل قانون و بنه‌مایێن مروڤایه‌تیێ له‌ورا ب گشتى حه‌شدا شه‌عبى بۆینه‌ رێگر هه‌مبه‌ر وان هاولاتیێن بڤێت كارتا خوه‌یا ده‌نگدانێ وه‌رگریت ل مووسل ، ئه‌گه‌ر هاوولاتى كارتێن خوه‌ نه‌وه‌رگرن ل گورى زانیاریێن كومیسیونا بلندا هه‌لبژاردنا هاولاتیا مافێ پشكداریێ نیه‌ ل ده‌نگدانێ".



پێشتر حه‌شدا شه‌عبى ل رێكا باشیك رێگرى ل پێشمه‌رگه‌ ( رێبه‌ر تاهر ) كربو ب گرانى بریندار كربو كو خه‌لكێ ئاكرێ بو ب مه‌به‌ستا وه‌رگرتنا كارتا خوه‌ یا ده‌نگدانێ چۆبۆ مووسل كو كه‌س و كارێن وى پێشمه‌رگه‌ى راگه‌هاند بو.
bas news-