پشکەک ژکاندیدێن پارتى ل سنۆرێ پارێزگەها دهۆکێ راگەهاند، دستورێ عیراقێ تاکە رێکا جارەسەرکرنا کێشەیانە دناڤبەرا حکومەتا هەرێما کوردستانێ و حکومەتا مەرکەزى ژبۆ بدەستڤەئینانا مافێن هەمى پێکهاتەیێن کوردستانێ، ژبەرڤێ ئێکێ لیستا 184یا پارتى دیموکراتى کوردستان دێ شێت وان مافان بدەستڤە ئینیت.

د.عەبدولرەحمان عومەر، کاندیدێ ژمارا 7ێ پارتى ل دهۆکێ بۆ مالپەرێ فەرمیێ پارتى دیموکراتى کوردستان ئاخڤت:" بەرنامێ پارتى دیموکراتى کوردستان یێ روونە و دێ کار لسەر وێ کارناما ژلایێ پارتى ڤە هاتیە دارشتن کەم ژبۆ بدەستڤەئینانا مافێن کوردستانیان".

فاخر حەسەن، کاندیدێ ژمارا 8ێ پارتى بۆ مالپەرێ فەرمیێ پارتى دیموکراتى کوردستان دیارکر:" شەرێ مە دگەل عیراقێ شەرەکێ نەتەوەییە، دێ کار لسەر پرسێن نەتەوەیى کەم، هەر دەما پرۆژەیێ نەتەوەیى جهێ خۆ گرت دێ ب ساناهى مافێن ئابۆرى و سیاسى وەرگرین".

د. شەوکەت زین العابدین، کاندیدێ ژمارا 16ێ لیستا 184 بۆ مالپەرێ فەرمیێ پارتى دیموکراتى کوردستان ئاماژەدا:" هەمى شیانێن من ل بەغدا بۆ بدەستڤەئینانا مافێن مللەتێ کوردن لگور دستور و یاسا و شەریعەتى، ب تایبەت رێکخستنا پێشمەرگەیى ژروویێ لەشکەرى و مادیڤە، دیسان پاراستن و بهێزکرنا پێگەهێ هەرێما کوردستانێ لسەر ئاستێ عیراقێ و نیڤدەولەتى".

دالیا فەرهاد، کاندیدا ژمارا 21ێ لیستا 184 بۆ مالپەرێ فەرمیێ پارتى دیموکراتى کوردستان ئاخڤت:" دێ کار لسەر بلندکرنا ئاستێ تەندروستى و بدەستەڤەئینانا مافێن کوردان ل بەغدا کەم".
kdp-