بهغدا كێشه بۆدهنگدهرێن شنگال دروست دكهت
وهیسى نایف، سهرۆكێ جڤاتا قهزا شنگال دیاركر: "ئاوارێن شنگال نهشێن قهستا نهینهوا و شنگال بكهن بۆ وهرگرتنا كارتێن خوه یێن دهنگدانێ ونهشێن ل وان دهڤهران ژى دهنگێن خوه ل ههلبژارتنێن پهرلهمانێ عێراقى بدهن. ههولدان هاتینه كرن ناڤێن ههموو دهنگدهرێن شنگال بۆ پارێزگهها دهۆكێ بتایبهتى ژى ناحیا فهیدێ و كۆمهلگهها دومیز و قهزا شێخان بهێنه ڤهگوهاستن چونكو پتر 80% خهلكێ شنگال ئاوارانه ل كهمپان دژین. ئهوێن ناڤێن وان بۆ شنگال ونهینهوا هاتینه رهوانهكرن نهشێن بچن كارتێن خوه ژى وهربگرن".
خویا ژى كر: "ل قهزا شنگال پتر ژ 180 هزار كهسان مافێ دهنگدانێ ههیه ههتا نۆكه بتنێ 45% خهلكێ شنگال كارتێن دهنگدانێ وهرگرتینه وهێشتا 65% ژ خهلكێ كارتێن خوه وهرنهگرتینه".
باسنیوز
