چار رۆژه تهرمێ كهسهكێ عهرهب د ئاڤا شێلادزێ دا مایه
پشتى ل رێكهفتى 26/4/2018 د دهما گهشتكرنێ دا بو جهێن گهشتیارى ل سنورێ ناحیا شێلادزێ گهشتیارهكێ عیراقى ب رهگهز عهرهب د ئاڤهكا ئهوێ دهڤهرێ دا خهندقى یه و گیانێ خو ژ دهست دایه و ههتا نها تهرمێ وى كهسى د رویبارێ زیێ بچویك دا مایه و نههاتیه دیتن
سهردار بهلو، بهرپرسێ بنگههێ بهرهڤانیا باژێرى ل ناحیا شێلادزێ، دیاركرن: ”پشتى ل رێكهفتى 26/4/2018 ل دهمژمێر(4:30) خولهك، گهشتیارهكێ عیراقى ب رهگهز عهرهب ب ناڤێ (سەعد تالب عوبهید)، كو خهلكێ بهغدایه دگهل كومپانیهكا گهشتیارى سهرهدانا چهند دهڤهرێن گهشتیارى ل شێلادزێ كرى د دهمهكێ دا توشى رویدانهكێ، بویه كو كهفتیه د ناڤ رویبارێ زیێ مهزن ل سنورێ ناحیا شێلادزێ“.
ناڤبرى گوت ژى: ”ئهو كهسه د ژیێ (53) سالیێ دا یه و خێزانداره و بابێ (5) زارۆكانه و ئهڤ رویدانه گهلهك یا دلههژین بو“.
ههمان بهرپرسى ئهو چهنده ژى دیاركر: ”ژ بهر كو نها دا ئاڤا رویبارى گهلهك یا بلنده و دیتنا تهرمێ وى كهسى بزهحمهت كهفتیه لێ تیمێن مه د بهردهوامن بو لێگهریانا تهرمێ وى كهسێ ب رهگهز عهرهب و دێ د بهردهوام بن تا كو تهرمێ وى ب بینن لێ دیتنا وى د ڤى دهمى دا یا ئالوز و زهحمهته چونكه پێلێن رویبارێ زیێ بچویك ل شێلادزێ بهرهڤ بلند بوونێ ڤه چونه و زوربهیا جهێن دناڤ رویبارى دا د مهترسى نه لێ دێ ههر د بهردهوام بین ل سهر لێگهریانا تهرمێ وى گهشتیارى تا كو ئهم بشێن تهرمێ وى ژ ئاڤێ بینه دهرێ و رادهستى خێزانا وى بكهین“.
bas news-
