هێمن هەورامی لە کۆبوونەوەیەکی جەماوەریدا لە هۆڵەندا ڕایگەیاند، کوردانی تاراوگە سەلماندوویانە کە دەنگیان بۆ بەرگرییە لە کوردستان.

ڕۆژی ٢٩ی ٤ی ٢٠١٨ لە شاری ئەلمیرەی هۆڵەندا، کۆڕێکی سیاسیی فراوان بۆ ھێمن ھەورامی، ئەندامی سەركردایەتی و سەرپەرشتیاری ھەڵبژاردنەكان لە دەرەوەی وڵات. بە ئامادەبوونی ستافی ناوچە و سەرجەم ڕێكخراوەكانی ھۆڵەندا و هەڤاڵانی پارتی لەھۆڵەندا ڕێكخرا بوو.

ھەورامی سڵاوی سەركردایەتیی پارتی بە كادیر و لایەنگرانی پارتی و كوردانی تاراوگە گەیاند و ئاماژەیشی بەو بوێرییە كرد كە كوردانی تاراوگە لە ھەڵبژاردنی ڕابردوودا سەلماندیان، دەنگی كوردانی دوورەوڵات بۆ بەرگریكردن بووە لە نیشتمان، كە پارتی سەریڕمییەتی. ھەورامی ئەو ڕێنمایی و ڕاسپاردانەی كە سەركردایەتیی پارتی بۆ ھەڵبژاردنەكان ھەیەتی، گەیاندییە كوردانی ھۆڵەندا.

سەرپەرشتیارەكەی پارتی لە ئەورووپا ئەوەیشی گوت، ئەو ڕاستییانەی لە زاری سەركردەكانی پارتییەوە دەگوترێن، ڕاستییەكی ئازاربەخشە، ھەر لایەن و كەسێك پێی ھەڵبچێت، ئەوا خاوەندارەتی لە خیانەتەكان یەكلا دەكەنەوە و گومان لای ھاووڵاتی ناھێڵێت. لەخستنە ڕووی ئەم بابەتانە بۆ گەلی كورد، تەنیا مەبەستمانە ئەو مێژووەی دروستی دەكەین خیانەتی دیكەی تێ نەكەوێت و گەل نوێنەری ڕاستەقینەی خۆی بنێرێتە بەغدا. لە بەشێكی دیكەی قسەكانیدا ھەورامی ئەم ھەڵبژاردنەی وەك وانەیەك بۆ كوردایەتی وەسف كرد و پێی وابوو ئەمە دوا پێوانەیە كە كورد لە عێراقدا پێی دەپێورێت.
kdp-