ل شنگال حهشدا شهعبى دهست ب سهختهكاریێن ههلبژارتنان دكهن
كاندیدهكێ لیستا پارتى دیمۆكراتى كوردستان ل شنگالێ راگههاند كو ههر ژ نها حهشدا شهعبى پلانهك بۆ سهختهكاریێ د ههلبژارتنێن پهرلهمانێ عیراقێ دا دانایه بۆ هندێ ب رێیا كارتێن دهنگدانێ یێن خهلكێ شنگالێ سهخته بكهن و ل شوونا وان دهنگى بدهن.
وهیس نایف، كاندیدهكێ لیستا 184 یا پارتى دیمۆكراتى كوردستان ل شنگالێ، دیار كر: ”هژمارهكا مهزن یا خهلكێ شنگالێ ئاواره و دهربهدهربووینه و گهلهك ژى چووینه دهرڤهى وهلاتى و ل گۆرهى زانیاریێن مه ب دهست خۆڤه ئیناین، حهشدا شهعبى پلانهكا دانایه بۆ هندێ ئهو كوردێن ئێزدى یێن چووینه دهرڤهى وهلاتى، كارتێن وان یێن دهنگدانێ بكاربینن بۆ كۆمكرنا دهنگان بۆ لیستا خوه و ل شوونا وان ل دووڤ دلێ خوه دهنگى بدهن“.
ئاشكرا ژى كر، کو نها ب تنێ نێزیكى 21 هزار دهنگدهران ل شنگالێ ههنه و یێن دى ههموو ل ناڤ كهمپان دا دژین و خهلكێ شنگال ب رێژا 85% دێ ل ناڤ كهمپان و ل ناڤ پارێزگهها دهۆكێ دا دهنگێ خوه دهن و گۆتیشى: هژمارهكا مهزن یا كارتێن ئهلكترۆنى یێن دهنگدانێ یێن ئاوارێن شنگال هێشتا نهگههشتینه دهستێ وان و ل شنگالێ ماینه.
bas news-
