میدیاکار و رۆژنامەنڤیسێن پارێزگەها دهۆکێ پشتەڤانیا خۆ بۆ لیستا ١٨٤ دیارکرن و گۆتن:'' دەنگدان بۆ لیستا 184، دەنگدانە ژبۆ پتر زامنکرنا وان دەستکەفتان یێن کو پارتی بۆ گەلێ کورد ب دەست خستین.



میدیاکار کاوار نێروەیی بۆ ماڵپەرێ فەرمیی یێ پارتی دیموکراتی کوردستان گۆت:'' پارتی، وەکو حزبەکا خودان مێژوویەکا دویرو درێژو پری سەروەری و دەستکەفت، بۆ خەلکێ هەرێما کوردستانێ، کو دهەمی قوناغ و بویەڕاندا، دهەمی خوشی و نەخوشیێن مللەتی دا، بەردەوام خو بخودانێ خەلکێ هەرێمێ زانی یە و بەردەوام خەبات ژبۆ پاراستن و بەرەڤ پێشڤەبرنا قەوارێ سیاسیێ هەرێمێ کریە.



هێشتا زەلالکر، دەنگدان بۆ لیستا 184، دەنگدانە ژبۆ پتر زامنکرنا وان دەستکەفتان یێن کو پارتی دناڤا دەستورێ ئیراقێ دا، چەسپاندین و ئەڤروکە ژی دێ بەرەڤانیێ ژێ کەتن.پارتی، ئەو حزبە یاکو لسەر ئاستێ ئەقلیمی، نیڤدەولەتی، گرنگی و پێگەهێ خو هەیی، د دروستکرنا بریارا سیاسی یا دناڤا دەڤەرێ دا بگشتی و ئیراقێ دا ب تایبەتی.



نێروەیی گۆتژی:'' لیستا 184، ئەو لیستەیە، یاکو خودان دونیا بینینەکا بەرفرەهـ، دهەمی دەمان دا، لگورەیی ژیوار و بارودۆخێ سیاسی، ب ڤەخواندنەک کویرو هویر بینانە، بزاڤ و پێنگاڤ و داخوازی ژبۆ بدەستڤە ئینانا مافێن گەلێ کوردستانێ کرینە و شیایە گەلەک ژوان بدەستڤەبینیت و نهاژی دقادا بەرخودانێ دایە.''



دڤی دەربارەی ژی دا، میدیاکار دلشاد رۆبەتکی بۆ ماڵپەرێ فەرمیی یێ پارتی گۆت:'' پارتی دیموکراتی کوردستان تاکە هێزە ب درێژیاهیا خەباتا خو هەول داینە مافێ گەلی کورد بستینیت و پارتی بویە هەتا نوکە بەرەڤانی ژ ئاخ و کەرامەتا مللەتێ کورد کریە ئەگەر بیرا مە بهێت ژ غەیری پارتی چ کەسێ دی خو ل ئاوارەیین شنگال و دەشتا نەینەوا نەکرە خودان سەرەرای ڤێ قەیرانا ئابوری ل دیف یا پێتڤی خزمەت بو ئاواران کریە ئەس دبینم دەنگ دان ب لیستا ١٨٤ هەروەکو مینا پێشمەرگەیێ ل سەنگەران بەرەڤانی کرنە ل ڤێ ئاخا پیروز و پارتی دیموکراتی کوردستان تاکە پارتە کو بشێت مافێ مللەتێ کورد ب دەست ڤە بهینیت . هەتا خولین چویی یین پەرلەمانێ عیراقێ بتنێ پارتی داخازا مافێ خەلکێ کوردستانێ دکر و هندەک لایەنین دی دژی مافێ خەلکێ کوردستانێ راوستیابون دەنگ ب بەژەوەندیا عیراقێ دایە . ئەڤا دەرباز بوی شاهدیێ ددەت کو پارتی دیموکراتی کوردستان تاکە حیزبە بشێت بێ جێوازی مافێ کوردان ل بەغدا بستینیت و ژبەر وێ خەباتا کو پارتی بو ڤی مللەتی کریە و دکەت و جاردن شازدەی ئکتوبەرێ روینەدەت دێ دەنگی دەمە لیستا ١٨٤ لیستا پارتی دیموکراتی کوردستان



هەروەها رۆژنامەنڤیس عەدنان رێکانی بۆ ماڵپەرێ فەرمیی یێ پارتی دیموکراتی کوردستان گۆت:'' پارتی خودان سەوەریا هەموو شورەشێن كوردیە و هێڤێنێ مۆركا نەتەوەی بوویە د هەموو شورەش و سەرهلدانان دا، لیستا 184 لیستا بەرەڤانیكرن ژ مافێن نەتەوەى یە تاكە لیستە ل كوردستانێ خو گوری و قوبارنی مللەتى كری، و تاكة لیستە بوویة شیرها پوڵایى و بەرسینگێ داعشێ گرتین.



گۆتژی:'' لیستا بارتی لیستا بەرخودانێ یە لیستا سەربخۆییا هەرێما كوردستانێ یە لیستا پارتی هەلگرا مەشخەڵ و سەركێشا ریفراندومێ یە كو هەموو حزب و ئالیێن دیتر بتنێ بەرژەوەندی و خۆ تێدا دپاراستن، و چ جاران پشت ل گەلێ نەکریە.
kdp-