بەرپرسی بەشی خوێندنی كوردی لە كەركووك رای دەگەیەنێت، حكوومەتی بەغدا پلانی دروستكردنی قوتابخانەی عەرەبی لە گەڕەكە كوردنشینەكان و گۆڕینی پڕۆگرامی خوێندنی كوردی لە شارەكە هەیە، وەزارەتی پەروەردەی حكوومەتی هەرێمی كوردستانیش ئاگادار دەكرێتەوە.


شێرزاد رەشید، بەرپرسی بەشی خوێندنی كوردی لە كەركووك، لە لێدوانێكدا ڕای گەیاند: "لە دوای رووداوەكانی 16ی ئۆكتۆبەرەوە ژمارەیەكی زۆر مامۆستا كەركووكیان بەجێ هێشتووە و تاكوو ئێستا زیاتر لە (800) مامۆستا نەگەڕاونەتەوە، ئەمە جگەلەوەی نزیكەی (5) هەزار قوتابی چوونەتە شارەكانی دیكەی هەرێم".


گوتیشی: " بەغدا بەهۆی باڵادەستییەوە بەنیازە قوتابخانەی عەرەبی لە گەڕەكە كوردنشینەكان بكاتەوە و پرۆگرامی خوێندنی كوردیش بگۆڕێت، لەبری ئەوە پرۆگرامی خوێندنی عەرەبی دەهێنرێتە شارەكە".



بەرپرسی بەشی خوێندنی كوردی لە كەركووك باسی لەوەش کرد ئەوان لەگەڵ وەزارەتی پەروەردەی حكوومەتی هەرێمی كوردستان لە وتوێژ دان و لەسەر ئەو پرسانەش وەزیری پەروەردەی هەرێمی کوردستان ئاگادار دەكەنەوە.










باسنیوز