سه‌رۆكێ باژێرڤانیا زاخۆ راگه‌هاند كو ده‌ست ب دانانا پرۆژه‌یه‌كێ گه‌شتیارى ل زاخۆ تێ كرن ب ناڤێ پرۆژێ ‌(گوندێ ‌سپی) یێ‌گه‌شتیاری و ئه‌ڤ پرۆژه‌ دێ روویه‌كێ شارستانى یێ گه‌له‌ك جوان ده‌ته‌ قه‌زا زاخۆ.


بژار مۆنیب، سه‌رۆكێ باژێرڤانیا قه‌زا زاخۆ، بۆ) دیار كر، پرۆژێ ‌(گوندێ ‌سپی) یێ‌ گه‌شتیاری ل باژێرێ ‌زاخۆ ل سه‌ر رووبه‌رێ‌(263) دونه‌مێن ئه‌ردی دێ‌هێته‌ ئاڤاكرن و پێك دهێت ژ (452) ڤلێن گه‌شتیاری و حه‌فت سه‌نته‌رێن خزمه‌تكاری و شه‌ش جهێن سه‌یرانگه‌هێن خێزانی و خوارنگه‌ه و كافیتریا و هۆل و پارك و كه‌مپێن گۆزاری و سه‌نته‌رێن وه‌رزشی و جاده‌ و باخچێن جۆرا وجۆر.



زێده‌تر دبێژیت: ”ئه‌ڤ پرۆژه‌ دێ د ماوێ‌(5) سالان دا ب كوژمێ‌(17) ملیون دولاران‌هێته‌ ئاڤاكرن و دێ خزمه‌ته‌كا مه‌زن بۆ كه‌رتێ گه‌شتیارى و خه‌لكێ زاخۆ كه‌ت و روویه‌كێ شارستانى یێ گه‌له‌ك جوان ده‌ته‌ قه‌زا زاخۆ“.



ئه‌و یه‌ك ژى دیار كر، کو ئه‌ڤ پرۆژه‌ ژ ئالیێ سه‌رمایه‌داره‌كێ زاخۆ ڤه‌ دهێته‌ برێڤه‌برن و ل سه‌ر گرێن زاخۆ ل هنداڤى باژێرى تێ چێكرن ب كۆژمێ (17) ملیۆن دۆلاران دێ ل پرۆژه‌ى ئێنه‌ مه‌زاختن و جهێن سه‌یرانگه‌هێن خێزانى ژى د ناڤ دا هه‌نه‌ و د ماوێ پێنچ سالان دا دێ پرۆژه‌ ب دووماهى هێت.
bas news-