بەرپرسێ لقێ ١٧ یێ پارتی دیموکراتی کوردستان ل شنگالێ دیارکر، کو مە ئامادەکاری بۆ هەلبژارتنێن جڤاتا نوینەرێن ئیراقێ کریە، و پارتی ژ هەموو لایەکی ڤە ل شنگالێ ئامادەیە.

قادر قاچاخ، بۆ ماڵپەری فەرمی یێ پارتی دیموکراتی کوردستان گوت:'' کارنامەیا پارتی ل شنگالێ کو ئێزدی بچنە جڤاتا نوێنەرێن ئیراقێ و ئێزدی بشێن بەرگریێ ژ مافێن خۆ یێن ڕەوا بکەن و پرۆژەیێ پارتی بۆ شنگالێ ئەوە شنگال ئاڤەدان بیت و ئیدارەیا شەرعی یا شنگالێ بکەڤیتە ددەستێ شنگالیان دا، و هەموو هێزێن نەیاسایی ژ شنگالێ دەربێخن.

گۆتژی:'' کار بۆ تەناهیا دەڤەرێن کوردستانی یێن دەرڤەی ئیدارەیا هەرێمی دکەین و شنگال ژی بەشەکی سەرەکیە ژ وان دەڤەران و چ لایەن نەشین شنگال و کوردستانێ ژ ئێک جودا بکەن.

بەرپرسی لقێ ١٧ـی پارتی دیموکراتی کوردستان لە شنگال، ئەو یەکە ژی نە ڤەشاری و گۆت:'' هندەک لایەن دخوازن شنگال و کوردستانێ ژ ئێک جودا کەن و بەلێ وان پشت راستدکەین ئەو ناگەهنە چ ئەنجامێن باش، چونکی ئێزدیی کوردێن رەسەنن و کورد ژی ئێزدیینە، و کوردایەتی ژ ئێزدییاتیەتێ دەستپێکریە، د پرسێن نەتەوەیی حزبی ژی دا ل گەل کوردستانێ نە.

ل سەر هەبوونا هندەک بەربژێرێن عەرەب ل شنگالێ ناڤهاتی زەلالکر، ئەو کاندیدێن ب سەر وان لایانانڤە چ خەم ب ئێزدی و شنگالێ نینە، بتنێ ئارمانجا وان ئەوە دەنگ بۆ لیستا وان بجێت و بەلێ ئارمانجا پارتی ل شنگالێ دەنگێ ئێزدییان بۆ ئێزدییان بیت و کەسێن ئێزدی بگەهنە جڤاتا نوینەرێن عیراقێ.

قاچاخی ئاماژە ب وێ یەکێ کر، نها خەلکێ شنگالێ زێدەتری ٨٠% ئاوارەنە و ل پارێزگەها دهۆکن و پشت راستی دێ زۆربەیا هەرە زۆر یا دەنگێن شنگال دێ بۆ لیستا ١٨٤ بن، و سەرەرای هەبوونا هندەک کێشەیان د کارتێن دەنگدەران دا ژی بەلێ دێ زۆربەیا وان ب گەرم و گوڕی پشکداری هەلبژارتنان بن.
kdp-