پۆلیسی دهۆک، ئاماژە بەوە دەدات، کە درەنگانی شەوی رابڕدوو، لە شارۆچکەی بەردەڕەش، ئافرەتێک لەلایەن برایەکییەوە کوژرا.



هێمن سلێمان، بەرپرسی راگەیاندنی پۆلسی دهۆک، راگەیاند: ”کاتژمێر 12:00ی شەوی 20 لەسەر 21\4\2018، لەناو سەنتەری شارۆچکەی بەردەڕەشی سەر بە پارێزگای دهۆک، ئافرەتێک کوژرا“.



بەرپرسی راگەیاندنی پۆلسی دهۆک، ئەوەشی خستە روو، کە ئەو ئافرەتە، خێزاندارە و منداڵێکی هەیە، لەلایەن براکەیەوە کوژراوە و هۆکارەکەی کێشەی کۆمەڵایەتی بووە.



ئاشکراشی کرد، کە تەرمی ئەو ئافرەتە لە پزیشکی توێکاری شاری دهۆکە، پۆلیسیش لە هەوڵی دەستگیرکردنی تاوانبارەکە.

bas news-