ژنه‌كا خودان پێدڤیێن تایبه‌ت خودانا دوو زارۆیان، ژ ئالیێ هه‌ڤژینێ خوه‌ڤه‌ تێ كۆشتن و تاوانبار ژى ژ ئالیێ پۆلیسان ڤه‌ هاتیه‌ ده‌سته‌سه‌ركرن.



ئه‌ڤرۆ رۆژا چوارشه‌مبى 18/4/2018 رائید هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ دیاركر: "ژنه‌ك ب ناڤێ (جیهان حه‌كیم حه‌سه‌ن) ژنه‌كا كه‌ڕ و لاڵ بوویه‌ و دایكا دوو زارۆیان بوو، د ژیێ 27 سالیێ دا ب ره‌نگه‌كێ هۆڤانه‌ ژ ئالیێ هه‌ڤژینێ خوه‌ ڤه‌ تێ كۆشتن و پۆلیسێن پارێزگه‌ها دهۆكێ ژى ئه‌و تاوانباره‌ كو هه‌ڤژینێ وێ یه‌ ده‌سته‌سه‌ركریه‌".



ئاشكرا ژى كر: "ڤى تاوانبارى هه‌ڤژینا خوه‌ كریه‌ د ترۆمبێلێ دا و بریه‌ گۆندێ ئاسهێ دناڤبه‌را دهۆك و زاخۆ دا و ل وێرێ د ترۆمبێلێ دا د هاڤێژیت و پاشى بزاڤا خه‌ندقاندنا وێ دكه‌ت و پاشى ب كه‌ڤر و به‌ران وێ تمام دكه‌ت و هه‌ردوو ره‌هێن پێیێن وێ ژى دبڕیت و دكۆژیت گۆت: هه‌ردوو زارۆیێن وان ژى ل گه‌ل دابوون و ژن یا دووكیان ژى بوو د هه‌یڤێن خوه‌ یێن ده‌ستپێكێ دا".
bas news-