نێزیكى 23 هزار كێم ئه‌ندامان ل پارێزگه‌ها دهۆكێ، ئه‌ڤرۆ رۆژا سێشه‌مبى مۆچه‌یێ خوه‌ یێ تۆرا پاراستنا جڤاكى وه‌رگرتن، ئه‌ڤه‌ د ده‌مه‌كى دایه‌ كو ئه‌ڤ مۆچه‌ ب تنێ ل پارێزگه‌ها دهۆكێ هاتیه‌ دابه‌شكرن و ل هه‌ردوو پارێزگه‌هێن هه‌ولێر و سلێمانیا ل حه‌فتیا بهێت دێ هێنه‌ دابه‌شكرن.



ریزا نایف، رێڤه‌به‌رێ تۆرا پاراستنا جڤاكى، بۆ دیار كر: ”ئه‌ڤرۆ رۆژا سێشه‌مبى مۆچه‌یێ 23 هزار كێم ئه‌ندامێن پارێزگه‌ها دهۆكێ هاته‌ دابه‌شكرن، و ئه‌ڤ مۆچه‌ ب تنێ ل دهۆكێ هاته‌ دان، چونكو رێڤه‌به‌ریا مه‌ سیسته‌مێ ئه‌لكترۆنى هه‌بوو، ده‌مێ وه‌زاره‌تێ داخوازا لیسته‌یان ژ مه‌ كرى، مه‌ ئێكسه‌ر مۆچه‌ هنارتن، به‌لێ ل هه‌ولێر و سلێمانیێ سیسته‌مێ ئه‌لكترۆنى نینه‌، ژ به‌ر هندێ ل حه‌فتیا بهێت 22/4/2018، ژ نوو دێ مۆچه‌یێن كێم ئه‌ندامێن وان هێنه‌ دابه‌شكرن“.



خویاژى كر، ئه‌و كێم ئه‌ندامێن نه‌ فه‌رمانبه‌ر ل دهۆكێ هه‌ر ئێكى بۆ مۆچێ هه‌یڤا حه‌فت 120 هزار دینار وه‌رگرتن و ئه‌وێن فه‌رمانبه‌ر هه‌ر ئێكى 60 هزار دینار وه‌رگرتن.



ێڤه‌به‌رێ تۆرا پاراستنا جڤاكى، ئه‌و یه‌ك ژى ئاشكرا كر كو وه‌زاره‌تێ ژ رێڤه‌به‌ریا مه‌ خواستیه‌ لیستێن هه‌یڤا ئێك بۆ سالا 2018 بۆ وان فرێكه‌ین و ل گۆره‌ى سیسته‌مێ نوو كو دێ بێ پاشكه‌فت هێنه‌ دابه‌شكرن و بۆ یێن نه‌فه‌رمانبه‌ر وه‌كو به‌رێ دێ هه‌یڤانه‌ 150 هزار دیناران وه‌رگرن و كێم ئه‌ندامێن فه‌رمانبه‌ر ژى دێ بۆ هه‌ر مه‌هه‌كێ 100 هزار دینارا.ن وه‌رگرن
bas news-