رۆژنامەیەکی ئەمریکی لە راپۆرتێکدا، باس لەوە دەکات، کە ئەمریکا هەوڵ دەدات هێزێکی هاوبەشی وڵاتانی عەرەبی لە رۆژئاوای کوردستان جێگیر بکات.


رۆژی سێشەممە 17/4/2018، رۆژ امەی (وۆڵ ستریت جۆڕنال)ی ئەمریکی راپۆرتێکی بڵاو کردووەتەوە و تێیدا لە زاری بەرپرسانی وڵاتەکەیەوە، رایگەیاندووە، ئەمریکا داوای لە وڵاتانی سعودیە، ئیمارات و قەتەر کردووە بە پارە و هێز هاوکاریی پاراستنی چەند ناوچەیەکی سووریا بکەن.



هەروەک لە راپۆرتەکەدا هاتووە، ئەمریکا داوای لەو سێ وڵاتە عەرەبییە کردووە هێز بنێرنە سووریا بۆ ئەوەی شوێنی هێزە ئەمریکییەکان لە رۆژئاوای کوردستان و رۆژهەڵاتی سووریا بگرنەوە.



ئەو هەوڵەی ئەمریکا دوای ئەوە دێت، کە لە کۆتایی مانگی ئاداری ئەمساڵ، دۆناڵد ترەمپ، سەرۆکی ئەمریکا رایگەیاند، کە ”بەم نزیکانە“ هێزەکانی وڵاتەکەی، لە سووریا دەکشێنەوە.










باسنيوز