زانكۆیا دهۆك سالانه نێزیكى سێ ملیار دیناران بدهست خۆڤهدئینیت
مهروان فندی، رێڤهبهرێ ژمێریاری ل زانكۆیا دهۆك، دیاركر، كو سالانه نێزیكی سێ ملیار دیناران بۆ زانكۆیێ ژ داهاتی دهێن، ژ وی پارهی ژی نێزیكی 900 ملیۆن دیناران بۆ گهنجینا ههرێمێ و دیوانا وهزارهتا خواندنا بلند دچن، دوو ملیار و 100 ملیۆن ژی كار یێ پێ هاتیه كرن، هۆلێن خواندنێ یێن پێ هاتینه چێكرن و هندهك ئاڤاهیێن نوو بۆ كۆلیژان و چهند پشكێن ناڤخۆیێ پێ تێنه چێكرن.
رێڤهبهرێ ژمێریاری ل زانكۆیا دهۆك، ههروهسا گۆت: ”یانێن كۆلێژێن زانكۆیێ و سهنتهران یێن داینه ب كرێ و ههروهسا پارێ ژ داهاتێ قوتابیێن ئێڤاران و پهرالێل ژی بۆ زانكۆیێ دهێت دچیته د حیسابا زانكۆیێ دا وهكو سندوقا داهاتێ زانكۆیێ و ژ ڤی داهاتی 23% ددهنه گهنجینا ههرێمێ وهكو داهات و 7% ژی ددهنه دیوانا وهزارهتا خواندنا بلند و 70% ژی بۆ زانكۆیێ دمینیت بۆ ب رێڤهبرنا كارێن زانكۆیێ ل گهل كۆلیژا و رێڤهبهریێن ب سهر زانكۆیێ ڤه“.
گۆت ژی: ”زانكۆیا دهۆكێ 14 دۆكان یێن ناڤ بازارێ دهۆكێ ههین و داهاتێ وان ژی بۆ زانكۆیێ دهێت و پێنج بۆرجێن تێلهفونان ژی داینه ب كرێ و داهاتێ وان بۆ زانكۆیێ دهێت و د چنه د سندوقا داهاتێ زانكۆیێ دا، ئهو ژی دیاركر كو ڤی داهاتێ سندوقا زانكۆیێ بارسڤكی یا ئێخستیه سهر میزانیا بۆ زانكۆیێ دهێت ژ لایێ حكومهتا ههرێمێ ڤه“.
ل دۆر قوتابیێن پشكێن ناڤخۆی و ئهو پارێ ژێ دهێته وهرگرتن رێڤهبهرێ ژمێریاریا زانكۆیا دهۆك گۆت ل سالا بۆری یا خواندنێ ههر قوتابیهكێ پشكێن ناڤخۆ كۆژمێ 100 هزار دیناران ژێ هاته وهرگرتن وهكو داهات بۆ زانكۆیێ ما، بهلێ پتر ل سهخبێریا وان پشكان هاته خهرج كرن.
ل دۆر سیستهمێ بایۆمهتری مهروان فندی دیار كر كو شهش ههیڤان وان كار ل سهر ڤی سیستهمی دكر و دئهنجام دا 3300 فهرمانبهر و مامۆستا ل زانكۆیا دهۆك ب سیستهمێ بایۆمهتری هاتنه تۆمار كرن كو ئهون یێن دامهزراندیێن ههمیشهی و 500 كهس ژی گرێبهست ههبوون ل زانكۆیێ و وان ژی ب سیستهمێ بایۆمهتری یێ خۆ تۆماركری كو ل سهر 10 یهكهیێن ژمێریاری د دابهش كری بوون، كو ل زانكۆیا دهۆك 10 یهكهیێن ژمێریاری یێن ههین بۆ ب رێڤهبرنا كارێن كۆلیژان كو بهری نۆكه سیستهم فاكۆلتی بوون و ئهڤ یهكه ب ناڤێ فاكۆلتیان كاری ب رێڤه دبهن.
باسنیوز
