پشتى كو ل رێكه‌فتى 7/4/2018 سێ كه‌س ژ ئێك خێزان ب ناڤێت(ره‌مه‌زان محمد و ناجى محمد و تاهر محمد) كو هه‌ر سێ برایێن ئێكن قه‌ستا گوندێ خو یێ (نێروه‌ سیتو كرى) ب مه‌ره‌ما ب ده‌ستڤه‌هاتنا به‌رهه‌مێن بوهارێ ئه‌ڤرۆ ده‌نگوباسێ شه‌هید بونا وان هه‌رسێ برایان گه‌هشته‌ خێزانا وان.



وارشین سه‌لمان رێڤه‌به‌رێ ناحیا شێلادزێز دا دیاركرن: وه‌كه‌ دیار ل رێكه‌فتى 7/4/2018 سێ كه‌س ژ ئێك خێزان ب ناڤێت(ره‌مه‌زان محمد و ناجى محمد و تاهر محمد) كو هه‌ر سێ برایێن ئێكن قه‌ستا گوندێ خو یێ (نێروه‌ سیتو كرى) ب مه‌ره‌ما ب ده‌ستڤه‌هاتنا به‌رهه‌مێن بوهارێ و بو ماوێ پتر ژ (7) رۆژانه‌ چاره‌نڤیسێ وان هه‌رسێ كه‌سان دیار نه‌ماى دوهى كه‌سه‌كێ خێزانا وان ئاگه‌هدار كریه‌ كو هه‌رسێ بونه‌ قوربانیێن بوردومانا فروكێن توركیا.



ناڤبرى ئه‌و چه‌نده‌ ژى دوپاتكر: فروكێن توركیا بوردومانا گوندێ (نێروه‌ سیتو ) كریه‌ ل شكه‌فتا (جامێران) و هه‌رسێ كه‌س بونه‌ قوربانیێن فروكێن توركیا و شه‌هید بونه‌ .



هه‌مان رێڤه‌به‌رى ئه‌و چه‌نده‌ ژى دوپاتكر: ژ به‌ر كو ئه‌و جهێ ئه‌و هه‌رسێ كه‌سه‌ هاتینه‌ شه‌هید كرن رێكه‌كا دویره‌ و پتر ژ (7) ده‌مژمێران) مرۆڤ ب پێا دچیت و رێكا ترۆمبێلێ ناچیتێ له‌ورا كه‌س و كارێن وى قه‌ستا جهێ رویدانێ كریه‌ تا كو بشێن ته‌رمێ وان هه‌ر سێ برایان ب ڤه‌گوهێزن بو سه‌نته‌رێ ناحیا شێلادزێ .



بو زانین : هه‌رسێ برا ژ ئێك خێزانن و پێشمه‌رگه‌ نه‌ و بو بده‌ستڤه‌هاتنا به‌رهه‌مێن بوهارێ قه‌ستا گوندێ (نێروه‌ سیتو) ل سنورێ ناحیا شێلادزێ كریه‌ لێ ب مخابنى ڤه‌ بونه‌ قوربانیێن فروكێن توركیا و شه‌هید بونه‌ .
bas news-