کەسوکاری گەنجە قوربانییەکانی دۆڵی باڵەیان لەسنووری شارەدێی قەسرێ لە بەیاننامەیەکدا کە بۆ ڕای گشتی بڵاویان کردووەتەوە داوادەکەن خاوەندارێتی لە دۆسیەکەیان بکرێت بەمەبەستی بەدادگایی گەیاندنی دەوڵەتی تورکیا لە دادگای لاھای و دادگاکانی تری گرێدراو بەم کەیسە.

لە بەیاننامەکەدا ھاتووە: "لە شەوی 21 لەسەر 22/ 3/ 2018 بۆردومانی فڕۆکە جەنگییەکانی دەوڵەتی تورکیا لەسنووری شارەدێی قەسرێ، دۆڵی باڵەیان و گوندی سەرکان، بوو بە ھۆی کۆمەڵکوژی چوار لە ئەندامانی خانەوادەکانمان، لەکاتێکدا لەناو زێد و گوندی خۆیان خەریکی سەیران و ژیانکردنی ئاسایی خۆیان بوون".

لە بەشێکی تری بەیاننامەکەدا، ئاماژه‌ به‌وه‌ دراوه‌، كه‌ ھێرشەکەی تورکیا لەکتێکدایه‌، خۆی ئەندامە لە گرنگترین ئەو ڕێکخراوە نێونەتەوەیی و نێودەوڵەتییانەی کە پارێزەری لە مافەکانی کەمنەتەوەیی و گرووپە ئایینی و ماف و ئازادییە تاکەکەسییەکان دەکەن.

کەسوکاری قوربانییەکان داوادەکەن خاوەندارێتی لە دۆسیەکەیان بکرێت و ھاوکاریان بن لە بەدادگایی گەیاندنی دەوڵەتی تورکیا لە دادگای لاھای و دادگاکانیتری گرێدراو بەم کەیسە.










باسنیوز