حكوومه‌تا عیراقێ پلانه‌ك دانایه‌ بۆ هندێ رێكخراوێن نێڤده‌وله‌تى ژ هه‌رێما كوردستانێ خوه‌ ڤه‌كێشن و به‌ره‌ڤ ده‌ڤه‌رێن عیراقێ ببه‌ت، بۆ هندێ ره‌وشا ئاواره‌یان ئه‌وێن ل دهۆكێ دژین تێك بچیت و ب ڤه‌گه‌رنه‌ سه‌ر مال و مۆلكێن خوه‌.



ئدریس نه‌بى، رێڤه‌به‌رێ جێبه‌جێكار یێ بۆردێ كارۆبارێن مرۆڤایه‌تى (بۆرها) ل پارێزگه‌ها دهۆكێ، تایبه‌ت دیاركر، رۆژ بۆ رۆژێ رێكخراوێن نێڤده‌وله‌تى ل پارێزگه‌ها دهۆكێ یێ ل كێمیێ دده‌ن و به‌ره‌ڤ پاێزگه‌هێن عیراقێ دچن، وه‌كو مووسل و تله‌عفه‌ر و سه‌لاحه‌ددین، ئه‌ڤ رێكخراوه‌ ب شێوه‌یه‌كێ فه‌رمى دیارناكه‌ن كا چوونا وان ژ دهۆكێ چیه‌، ب تنێ دبێژن مه‌ پاره‌ نه‌مایه‌ و ئه‌و جهێن د سه‌ر مه‌دا ژ مه‌ دخوازن ئه‌م به‌ره‌ڤ عیراقێ بچین و دهۆكێ و هه‌رێما كوردستانێ بجهـ بهێلین.



ئاشكرا ژى كر كو ئه‌ڤ رێكخراوێن نێڤده‌وله‌تى ئه‌وێن به‌رى نها ل دهۆكێ كاردكر كو هژمارا وان پتر بوو ژ 100 رێكخراوان، ب پاره‌یه‌كێ مه‌زن هه‌یڤانه‌ خزمه‌تا ئاكنجیێن 24 كه‌مپێن ل پارێزگه‌ها دهۆكێ دكر، به‌لێ نها خزمه‌تێن وان ب رێژه‌یه‌كا به‌رچاڤ یا ل كێمیێ دده‌ت و گۆتیشى: "ئه‌ڤ رێكخراوا هوسا دیاردكه‌ن كو ره‌وشا دهۆكێ و ئاواره‌یان ی به‌رقه‌راره‌ و ده‌ڤه‌رێن دى یێن عیراقێ پتر پێدڤى ب هاریكاریانه‌".
bas news-