د روودانه‌كا ئاگربه‌ربوونێ دا ل تاخێ سه‌رهلدان ل سه‌نته‌رێ باژێرێ دهۆكێ، پتر ژ 25 كه‌سان تووشى بێهنته‌نگیێ دبن و 7 ژ وان ره‌وشا وان یا باش نه‌بوویه‌ و بۆ نه‌خۆشخانا ئازادى بۆ چاره‌سه‌ریێ هاتینه‌ ره‌وانه‌كرن.



رائیدێ مافپه‌روه‌ر بێوار عه‌بدولعه‌زیز، په‌یڤدارێ رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ بۆ دیار كر، به‌رى ده‌مه‌كێ كێم، ئاگر به‌ربوو شریناهیێن سیپان ل تاخێ سه‌رهلدان ل رۆژهه‌لاتێ دهۆكێ و شریناهى ب تمامى هاتیه‌ سۆتن و زیانێن مه‌زن ب وان خێزانان گه‌هاندینه‌ ئه‌وێن د شووقه‌یێن د سه‌ر ئاڤاهى دا و دووكێل گه‌هشتیه‌ هه‌موو خێزانان، لێ خۆشبه‌ختانه‌ تیمێن مه‌ یێن ئاگر ڤه‌مراندنێ كۆنترۆل ل سه‌ر ئاگرى كر.



ئاشكرا ژى كر كو دوو خێزان ب تمامى د وان شووقه‌یان دا تووشى بێهنته‌نگیێ بووینه‌ كو هژمارا وان دكه‌هیته‌ پتر ژ 25 كه‌سان و 18 ژ وان هه‌ر ل وێرێ ژ لایێ تیمێن به‌ره‌ڤانیا باژێرى و ساخله‌میێ ڤه‌ هاتینه‌ چاره‌سه‌ركرن ب دانا ئۆكسجینى و 7 كه‌سان ژى نها بۆ نه‌خۆشخانا ئازادى هاتینه‌ ره‌وانه‌كرن بۆ چاره‌سه‌ریێ.
bas news-