مه‌حموود عه‌باس، سه‌رۆكی ده‌وڵه‌تی فه‌له‌ستین ـ سه‌رۆكی كۆمیته‌ی جێبه‌جێكاری ڕێكخراوی ڕزگاریخوازی فه‌له‌ستینی، له‌ په‌یامێكدا بۆ كۆچی دواییی دلۆڤان ئیدریس بارزانی، پرسه‌ و سه‌ره‌خۆشی له‌ نێچیرڤان بارزانی، سه‌رۆك وه‌زیرانی هه‌رێمی كوردستان كرد.



لە بەشێک لە پەیامەکەی مەحموود عەباسدا هاتووە: "بە بۆنەی كۆچی دواییی خوالێخۆشبوو دلۆڤان ئیدریس بارزانی ـی براتانەوە، گەرمترین پرسە و سەرەخۆشیی برایانەمان ئاراستەی جەنابتان و لەڕێی جه‌نابیشتانه‌وه‌ ئاراستەی خانه‌واده‌ جوامێرەكەتان دەكەین".



وێنەیەک لەو پەیامە بۆ ئاژانسی (باسنیوز) هاتووە.



دەقی پەیامەکە:

جەنابی برامان نێچیرڤان بارزانی، خودا بتانپارێزێت

سەرۆكی حكوومەتی هەرێمی كوردستان



به‌ ناوى خواى مه‌زن و دلۆڤان

گەرمترین پرسە و سەرەخۆشیی برایانەمان ئاراستەی جەنابتان و لەڕێی جه‌نابیشتانه‌وه‌ ئاراستەی خانه‌واده‌ جوامێرەكەتان دەكەین بە بۆنەی كۆچی دواییی خوالێخۆشبوو دلۆڤان ئیدریس بارزانی ـی براتانەوە. لە خودای گەورە داواكارین بیخاتە بەر دلۆڤانیی خۆیەوە و بە بەهەشتی بەرینی شادی بكات و ئێوە و گەل و وڵاتتان لە سایەی خێر و ئاشتیدا بپارێزێ.



تكایە جەنابتان ئەوپەڕی سۆز و هاوخەمیمان قبووڵ بفەرموون.



مەحموود عەباس

سەرۆكی دەوڵەتی فەلەستین

سەرۆكی لیژنەی جێبەجێكاری ڕێكخراوی ڕزگاریی فەلەستینی

ڕامەڵڵا 5ی نیسانی 2018





باسنیوز