ئه‌یمه‌ن ئه‌لسه‌فه‌دی وه‌زیری ده‌ره‌وه‌ و كاروباری ئاواره‌كانی شانشینی ئوردنیی هاشمی، له‌ په‌یامێكی هاوخه‌میدا بۆ كۆچی دواییی دلۆڤان ئیدریس بارزانی، پرسه‌ و سه‌ره‌خۆشی له‌ نێچیرڤان بارزانی سه‌رۆك وه‌زیرانی هه‌رێمی كوردستان كرد.




ده‌قی پەیامەکە:



بەڕێز جەنابی نێچیرڤان بارزانی

سەرۆك وەزیرانی هەرێمی كوردستان – عێراق

جەنابی برای ئازیز

سڵاوێكی گەرم


بە خەم و پەژارەیەكی زۆرەوە هەواڵی كۆچی دوایی برای خوالێخۆشبووتان، بە ئیزنی خودا، بەڕێز دلۆڤان ئـیدریس مستەفا بارزانیم پێگەیشت كە لە 2ی نیسانی 2018دا كۆچی دوایی كرد.


لێرەدا ڕێگەم بدەن ڕاستگۆترین هەستی هاوسۆزی و سەرخۆشیی خۆم بەبۆنەی كۆچی دواییی برای خوالێخۆشبووتان دەرببڕم، تكاكارم لە خوای گەورە بیخاتە بەر دلۆڤانیی خۆیەوە.

لە كاتێكدا كە هاوخەمتانین لەم كۆستە مەزنەدا، ڕووی نزامان لە خوای بەتوانا دەكەین و داوای لێ دەكەین بتانپارێزێ و خۆڕاگری و ئارامی و دڵنەواییتان پێ ببەخشێ.

إنا لله وإنا إلیه راجعون

ئەیمەن ئەلسەفەدی

وەزیری دەرەوە و كاروباری ئاوارەكان

شانشینی ئوردنیی هاشمی

نیسانی 2018










باسنیوز