سەرۆکی حکوومەتی هەرێمی کوردستان پەیامێک ئاراستەی گەلی کوردستان دەکات و سوپاسیان دەکات.

نێچیرڤان بارزانی، سەرۆکی حکوومەتی هەرێمی کوردستان پەیامەکەی رۆژی یەکشەممە 8/4/2018 لە پەیجی تایبەتیی خۆی لە تۆڕی کۆمەڵایەتیی (فەیسبووک)، بڵاو کردووەتەوە.

لە پەیامەکەیدا، نێچیرڤان بارزانی سوپاسی هاووڵاتییانی کوردستان، عێراق و ”دۆست و هاوڕێیان لە سەرانسەری جیهاندا“ دەکات، کە بەشدارییان لە پرسەی دلۆڤان ئیدریس بارزانی، کردووە یان پەیامی هاوخەمی و سەرەخۆشییان ناردووە.

نێچیرڤان بارزانی لە پەیامەکەیدا، پشتیوانیی و هاوسۆزیی گەلی کوردستان بۆ بنەماڵەکەی لە پرسەی دلۆڤان ئیدریس بارزانی بە ”جێگەی سوپاس و پێزانین“ دادەنێت و هیوا دەخوازێت ”خوا ھە‌موو لایە‌ك بپارێزێت“.

رۆژی دووشەممە 2/4/2018، دلۆڤان ئیدریس بارزانی، برای نێچیرڤان بارزانی لە شاری ھەولێر، بە جەڵتەی دڵ کۆچی دوایی کرد.











باسنيوز