به‌هۆی ڕووداوێكی هاتووچۆی نێوان دوو ئۆتۆمۆبێلی بارهه‌ڵگره‌وه‌ له‌ نزیك شاری هه‌ولێر دوو كه‌س گیانیان له‌ده‌ست دا.



فازڵ حاجی حه‌سه‌ن گوته‌بێژی پۆلیسی هاتووچۆ هه‌ولێر ڕایگه‌یاند: "كاتژمێر(3)ی پاشنیوه‌ڕۆی ئه‌مڕۆ شه‌ممه‌ له‌سه‌ر ڕێگای هه‌ولێر- مه‌خموور له‌ نزیك گۆڕستانی پیرداود ئۆتۆمۆبێلێكی بارهه‌ڵگری بچووك خۆی كێشا به‌ دواوه‌وه‌ی بارهه‌ڵگرێكی گه‌وره‌ كه‌ له‌ ته‌نیشت ڕێگاكه‌ وه‌ستابوو".



ئاشكراشیكرد كه‌ شۆفێر ئۆتۆمۆبێله‌ بارهه‌ڵگره‌ بچووكه‌كه‌ كه‌سێكی به‌ته‌مه‌ن بووه‌ و به‌هۆی ڕووداوه‌كه‌ دوای ئه‌وه‌ی به‌برینداری گه‌یه‌نراوه‌ته‌ نه‌خۆشخانه‌ گیانی له‌ده‌ست داوه‌ و كوڕێكی شۆفێره‌كه‌ش به‌ سه‌ختی زامداربووه‌ و دوای چه‌ند كاتژمێرێك مانه‌وه‌ی له‌ نه‌خۆشخانه‌ گیانی له‌ده‌ستداوه‌.



ڕوونیشیكرده‌وه‌ كه‌ كه‌ به‌پێی زانیارییه‌كان شۆفێره‌ به‌ته‌مه‌نه‌كه‌ به‌هۆی نه‌خۆشییه‌كی كتوپڕه‌وه‌ كۆنتڕۆڵی له‌ده‌ستداوه‌ و به‌ ئۆتۆمۆبێله‌كه‌ی خۆی كێشاوه‌ به‌ ئۆتۆمۆبێلێكی بارهه‌ڵگری گه‌وره‌ و له‌ ئه‌نجامدا خۆی و كوڕێكی بوونه‌ قوربانی.

bas news-