ل سهر رێكا ههولێر و دهۆكێ تانكهرهك وهرگهریا
موقهدم ئازاد تاها بهرپرسێ راگههاندنا هاتن و چوونا پارێزگهها دهوكێ، بۆ دا دیاركرن: ”ل دهوروبهرێن دهمژمێر(2:15) پهیوهندى ب تیمێن مه ل دهوروبهرێن ناحیا روڤیا هاته كرن كو رویدانهكا هاتن و چونێ دروست بویه“.
بهرپرسێ راگههاندنا هاتن و چوونا پارێزگهها دهوكێ، ئهو چهنده ژى گۆت: ”رویدان ل سهر رێكا ناحیا روڤیا و كۆمهلگهها چرهى دا دروست بوویه كو تانكهرهكێ سوتهمهنیێ وهرگهریایه و شوفێرێ ترۆمبێلا بارههلگر ب گرانى بریندار بوویه . ئهگهرێ دروستبوونا رویدنێ ڤهدگهریت بو وێ چهندێ كو لهزاتى هاتیه ئهنجام دان و رێكا هاتن و چونێ یا گونجاى نهبوو بۆ لهزاتیا ترۆمبێلا بارههلگر“.
ناڤبرى ئهو چهنده پشت راستكر، کو بریندار بۆ نهخوشخانێ هاتیه رهوانهكرن لێ ژ بهر كو تانكهر یێ سوتهمهنیێ یه و پلێن گهرمێ د بلندن لهورا ئهم نهشێن خو نێزیكى تانكهرى بكهین چونكه ترسا پهقینا تانكهرى یا ههى.
bas news-
