ئەمڕۆ یەكشەممە پەرلەمانتارێكی عێراق سەر بە حەشدی شیعی رایگەیاند حەشدی شیعی پاڵپشتی حكوومەتی عێراق دەكات لە ڕێكەوتن لەگەڵ توركیا بۆ وەدەرنانی پەكەكە لەسەر خاكی عێراق.



پەرلەمانتار ئەحمەد ئەسەدی سەر بە دەوڵەتی یاسا و گوتەبێژی پێشوو بەناوی حەشدی شیعی رایگەیاند حكوومەتی عێراق لەگەڵ توركیا ڕێكەوتوون بۆ نەهێشتنی پەكەكە لەسەر خاكی عێراق.


گوتیشی حەشدی شیعی بەشێك دەبێ لەو ڕێكەوتنە و پشتیوانی وەدەرنانی پەكەكە لە عێراق دەكات.


گوتەبێژەكەی پێشووی حەشدی شیعی بە پێویستی زانی سەرباری نەهێشتنی پەكەكە، ناوچەی سنووری نێوان عێراق و ئوردن و سووریاش پاك بكرێتەوە و ڕێگری لە تێپەڕینی هیچ كاروانێكی سەربازی گرووپی چەكداری بكرێت.
bas news -