ب ره‌نگه‌كی گشتى ناوچه ‌و ده‌ڤه‌رێن كریستیانا ئه‌وێن ل ژێر كۆنترولا پێشمه‌رگه‌ى دئارامن به‌لێ ئه‌وێن ل بن كۆنترولا حه‌شدا شه‌عبى مه‌ترسى هه‌یه‌ لسه‌ر ژیانا وان ، هه‌تا نۆكه‌ ب گشتى 100 كه‌سێن كریستیان چاره‌نڤیسێ وان یێ نه‌دیاره‌ ل ده‌ست داعش.


كه‌مال یه‌لدا ،نوونه‌رێ كریستیانان ل په‌رله‌مانێ كوردستانێ، راگه‌هاند: ”مه‌ هه‌موو ئه‌و تاوان دكومێنت كرینه‌ كو بسه‌رێ كریستیانان هاتى. 100 كچ و ژنێن و كریستیانان هاتینه‌ ره‌ڤاندن و هێشتا نه‌هاتینه‌ ئازاد كرن. ل سالا 2014 ێ هه‌تا نۆكه‌ ب تنێ پازده‌ كه‌سێن كریستیان ل ده‌ستێ داعش رزگاربووینه‌و ئه‌وێن دى چاره‌ نڤیسێ وان یێ نه‌دیاره“.


ناڤبرى گۆتژى: ”كریستیانێن ده‌شتا مووسل هژمارا وان 130 هزار كه‌سه‌و 3 هزار خێزانن ، پتر ئاواره‌ ڤه‌گه‌ریاینه‌ وان ده‌ڤه‌رێن پێشمه‌رگه‌ دپارێزیت“.

پشتى سالا 2014 ێ رێكخراوا تیرورستیا داعش ده‌ست ب سه‌ر مووسل داگرتى 80% مه‌سیحیێن ده‌شتا موسل ئاواره‌ بوون بۆ هه‌رێما كوردستانێ. نۆكه‌ هژماره‌كا وان ڤه‌گه‌ریاینه‌ وان جهێن ل ژێر كۆنترولا پێشمه‌رگه‌ى."











باسنیوز