نوونه‌رێ مه‌سیحیان ل جڤاتا قه‌زا شنگال دیاركركو مه‌سیحیێن شنگال پشتى كاره‌ساتا شنگال ئاواره‌بووینه‌ وگه‌له‌ك ژوان یێن چووینه‌ ده‌رڤه‌ى وه‌لاتى و هنده‌ك خێزان ژی یێن چووینه‌ هه‌ولێر.



عیسا شه‌معون، نوونه‌رێ مه‌سیحیان ل جڤاتا قه‌زا شنگال دیاركر:" ژبه‌ر حه‌شدا شه‌عبى و په‌كه‌كێ هه‌تا ئه‌ڤرۆ 31/3/2018 چو خێزانێن مه‌سیحى نه‌زڤرینه‌ شنگال، بتنێ ئێك خێزانا مه‌سیحى یا زڤریه‌ ناحیا سنۆنێ. پتریا خێزانێن مه‌سیحى ل هه‌ولێر ئاكنجیى نه‌ و هنده‌ك خێزانێن مه‌سیحیێن شنگال به‌ره‌ڤ ئوسترالیا چووینه‌. وان نیه‌ت نینه‌ جاره‌كا دی بزڤرن چونكو ره‌وشا شنگال خه‌لكێ مه‌ هه‌موو بێ ئومیدكرن وبه‌رێ خه‌لكێ شنگال دانه‌ كۆچبه‌ریێ".



خویا ژى كر:" ل شنگال 52 خێزانێن مه‌سیحى هه‌بوون به‌رى تیرۆرستێن داعش شنگال داگیربكه‌ن. هه‌ر ده‌مێ پێشمه‌رگه‌ه هاته‌ شنگال دێ خه‌لكێ مه‌ بزڤرنه‌ سه‌ر مالێن خوه‌ ل ده‌ڤه‌رێ. نۆكه‌ ژبه‌ر حه‌شدى و په‌كه‌كێ خه‌لكێ مه‌ ده‌ست ژمالێن خوه‌ به‌رداینه‌".
bas news-