لیژنا موه‌لیده‌یان ل پارێزگه‌ها دهۆكێ بهایێ كاره‌با موه‌لیده‌یان بۆ مه‌ها ئادارێ یا ئه‌ڤ ساله‌ هاته‌ راگه‌هاندن و ئاشكرا كریه‌ كو بۆ هه‌ر ئه‌مپێره‌كێ كاره‌بێ دێ 10 هزار دینار هێنه‌ وه‌رگرتن.



لیژنا موه‌لیده‌یان ل پارێزگه‌ها دهۆكێ د راگه‌هاندنه‌كێ دا كو دانه‌یه‌ك ژێ بۆ هنارتیه‌ تێدا هاتیه‌ كو ژ به‌ركو د مه‌ها ئادارێ دا كاره‌با گشتى ژ مه‌هێن دى باشتر بوویه‌، له‌وما بهایێ هه‌ر ئه‌مپێره‌كێ كاره‌بێ ژ 12000 دیناران بۆ 10000 دیناران كێمتر لێ دهێت و ئه‌ڤ بهایه‌ بۆ هه‌رسێ قه‌زایێن دهۆك و سێمێل و زاخۆیو.



ئاشكرا ژى كر كو ل قه‌زا ئاكرێ بۆ هه‌ر ئه‌مپێره‌كێ كاره‌بێ 10 هزار دینارن و ل به‌رده‌ره‌ش 5750 دینار، ل سه‌نته‌رێ قه‌زا شێخان شه‌ش هزار دینار و ل ئامێدیێ 9750 دینار، ل شوقێن پارێزگه‌ها دهۆكێ‌ كو به‌رنامێ‌ كاركرنا موه‌لیدان (19) ده‌مژمێرییه‌ و ئه‌وێن موه‌لیدێن وان نه‌ سه‌ر ب پرۆژه‌ی ڤه‌ (12.000) دینارن و ئه‌وێن ب سه‌ر پرۆژه‌یڤه‌ (11.000) دینار، و ل (هه‌مان شقێن به‌رنامێ‌ وان 24 ده‌مژمێری و موه‌لیدێن نه‌ سه‌ر ب پرۆژه‌یڤه‌) (13.000) دینارن و یێن موه‌لیدێن وان سه‌ر ب پرۆژه‌یڤه‌ (12.000) دینار .ول نیو زاخۆ ( 11.500) دینارن و ل شوقێن ئه‌ڤرۆ ستی ( 12.500) دینار.



هه‌روه‌سا به‌رنامێ‌ كاركرنا موه‌لێدا ل سه‌نته‌رێن قه‌زایێن دهوك، زاخۆ و سێمێل بۆ مه‌ها (نیسانێ‌- هه‌یڤا 4/2018 ) دێ‌ ب ڤی ره‌نگی بیت:

- ژ ده‌مژمێر 7:00 سپێدێ‌ تا ده‌مژمێر 11 سپێدێ‌.

- ژ ده‌مژمێر 2:00 نیڤرۆ تا ده‌مژمێر 2:00 شه‌ڤێ‌ .

- به‌رنامێ‌ كاركرنا موه‌لیدان ل قه‌زایێن دی و ده‌ڤه‌رێن سه‌ر ب وان ڤه‌ ، دێ‌ لدویف ره‌وش و داخوازییا كارگێریێن وان و خه‌لكێ‌ وان بیت.

د راگه‌هاندنا خوه‌ دا ئاشكرا ژى كر، ژ خودانێن موه‌لیدا دخوازین پێگریێ‌ ب رێنما و به‌رنامێ‌ لیژنا سه‌رپه‌رشتیا موه‌لیدان بكه‌ن و داخوازێ‌ ژ هه‌لبژێرێن به‌رێز دكه‌ین، هه‌ر جهه‌كێ‌ موه‌لیدا ل تاخێ‌ وی پێگریێ‌ نه‌كه‌ت، لیژنا مه‌ ب سكالایه‌كا نڤیسی ئاگه‌هدار بكه‌ت دا كو پێرابوون د ده‌رهه‌قێ‌ وان دا بهێنه‌ ئه‌نجامدان.
bas news-