دوای ئه‌وه‌ی له‌ چه‌ند ڕۆژی ڕابردوودا به‌هۆی نه‌خۆشییه‌وه‌ له‌ ده‌ره‌وه‌ی وڵات كۆچی دوایی كرد وابڕیاره‌ سبه‌ی ته‌رمی شێخ عه‌زیز شێخ ڕه‌زا بگاته‌وه‌ هه‌رێمی كوردستان و به‌خاك بسپێردرێت.



به‌پێی ئه‌و زانیارییانه‌ی ده‌ست كه‌وتوون كاتژمێر 9ی سبه‌ی چوارشه‌ممه‌ (28-3-2018) ته‌رمی شێخ عه‌زیز شێخ ڕه‌زا سه‌رۆكی پێشووی ده‌زگای خێرخوازیی بارزانی له‌ مه‌راسیمێكدا پێشوازیی لێ ده‌كرێت و دواتر به‌ره‌و باره‌گای سه‌ره‌كی ده‌زگای خیرخوازیی بارزانی و له‌وێوه‌ به‌ره‌و دوا مه‌نزڵگای له‌ شاری ڕانیه‌ به‌ڕێده‌كرێت و له‌وێ ته‌رمه‌كه‌ی به‌خاك ده‌سپێردرێت.



شیاوی ئاماژه‌ پێدانه‌ پرسه‌ی شێخ عه‌زیز رۆژانی پێنجشه‌مه‌ و هه‌ینی له‌ شاری رانیه‌ ده‌بێت له‌ مزگه‌وتی "مسته‌فا عه‌لی" ده‌بێت و رۆژی شه‌ممه‌ پرسه‌كه‌ی له‌ مزگه‌وتی "جه‌لیل خه‌یات" له‌ شاری هه‌ولێر ده‌بێت.



شێخ عه‌زیز شێخ ڕه‌زا له ڕێككه‌وتی ( 20-21 /3 /2018) له‌ وڵاتی سوید به‌ هۆی نه‌خۆشییه‌وه‌ كۆچی دوایی كرد.

bas news-