جورەکێ کانزایەکێ گرانبھا ل گەلیێ خەنس سەر ب ناحیا ئەتروش ڤە ھەیە، بەلێ ھەتا نۆکە لێکولین ل سەر دەرئینانا وی نەھاتیە کرن.

د. بێوار خنسی، بسپۆرێ جیولوجی راگەھاند: "ئێک ژ ژێدەرێن پرکرنا بۆشایێن دڤێ قەیرانا نۆکە دا ئەگەر گرنگی ب کانزایێن دەڤەرا شێخان بھێت دان ژێدەرەکێ مەزن یێ ئابوری دێ لێ دەرکەڤیت. ئێک ژ جھێن نۆکە جورەکێ باش یێ کانزایی وەکو رەنگێ زێری لێ ھەی ل جھێ شینوارێ گەشتیاری ل خەنس ھەیە سەر ب ناحیا ئەتروش ڤە".

ناڤبری دیارکر: "ل گەلیێ خەنس تایبەت مەندیا وێ ئەوە زوربەیا وی ماددەی دناڤ کەڤریدا ھەیە، دەمێ دەست ب دانانا بەنداڤا خەنس ھاتیە کرن کەڤرەکێ مەزن ھاتە برین ژبو بەرفرەھکرنا جھێ بەنداڤێ، جورەکێ کانزایی رێژەیەکا زۆر دناڤ دەرکەفتیە. ج جاران ئەڤ جورێ کانزایی ل ڤی گەلی نەھاتیە دیتن".

تەکەز کر: "ئەو کەڤرێ ئەڤ کانزایە لێ ھاتیە دیتن نێزیکی 120 مەترایە. ئەڤ کانزایە یێ دناڤ تەخەکا ڤی کەڤریدا کو ئەڤە کانزایێ دبێژنێ زێرێ قلبە ئەگەر کەسەکێ نە شەھرەزا ببینیت وەکی زێری یێ زەرە. ئەڤ کانزایە ب سیفاتێن خوڤە گەلەک ب زێری دچیت ئەوبخو زێرنینە".










باسنيوز