ژ ئه‌گه‌رێ رابۆنا تۆزه‌كا بۆش و هرۆبایه‌كێ ب هێز، رێكا سه‌ره‌كى یا دناڤبه‌را شێلادزێ و دێرالۆكێ دا ژ ئالیێ هاوولاتیان ڤه‌ تێ داخستن.



مه‌حموود ئامێدی، ئاكنجیێ ناحیا شێلادزێ دیاركر، به‌رى ده‌مه‌كێ كێم، رێكا سه‌ره‌كى یا هاتن و چوونا ترۆمبێلان دناڤبه‌را ناحیا شێلادزێ و دێرالۆكێ دا سه‌ر ب قه‌زا ئامێدیێ ڤه‌ ژ ئه‌گه‌رێ هاتنا تۆزه‌كا ب هێز و هرۆباى هاته‌ داخستن ژ ئالیێ هاوولاتیان ڤه‌ و خه‌لكێ ده‌ڤه‌رێ قه‌بوول ناكه‌ن ترۆمبێل د وێ رێكێ را هاتن و چوونێ بكه‌ن و خه‌لكێ ده‌ڤه‌رێ و یێن نێزیك خالا كۆمه‌لگه‌ها هێتوت ماینه‌ دناڤ تۆزێ را و زیان هێشتا د دیار نینن.



ئاشكرا ژى كر، كۆمه‌لگه‌ها هێتوت دكه‌ڤیته‌ دناڤبه‌را هه‌ردوو باژێركان دا و ئه‌ڤه‌ پتر ژ ساله‌كێ یه‌ پرۆژه‌یێ چێكرنا جادا دووسایدى ل وى جهى ده‌ستپێكرى و هێشتا ب دووماهى نه‌هاتیه‌ و ئه‌ڤه‌ ژى بوویه‌ ئه‌گه‌ر كو جاده‌ ببنه‌ تۆز و تۆز و هرۆبا رابیت و خه‌لكێ ده‌ڤه‌رێ یێ ناچاركرى ڤێ رێیێ بۆ ماوه‌یه‌كێ كاتى بدائێخن.



ئه‌و یه‌ك ژى دیار كر كو ژ ئه‌گه‌رێ داخستنا وێ رێیێ، نێزیكى 2000 ترۆمبێلان د جادێ دا ماینه‌ و نه‌شێن ب ڤه‌گه‌رنه‌ مالێن خوه‌.
bas news-