حەمزە رەزیکی بەرپرسێ راگەھاندنا رێڤەبەریا ساخلەمیا پارێزگەھا دھوکێ دیارکرن: ئامارا ھەر سێ رۆژێن نەورۆزێ لدۆر کەرتێ ساخلەمیێ ب ڤی رەنگی بوویە کو : 12 ھزار و 695 کەسان د ھەر چار رۆژێن نەورۆزێ دا سەرەدانا بنگەھێن ساخلەمیێ ل سنورێ پارێزگەھا دھوکێ کرینە و (431) نەخوش ل نەخوشخانێ ھاتینە نڤاندن و (126) نەشتەگەری ھاتینە ئەنجام دان و (271) زارۆک د ڤان ھەر چار رۆژان دا ژ دایک بوونە و (49) کەس ژ ئەنجامێن رویدانێن جوراو جور بریندار بوونە و زارۆکەک ب شاشی ڤە کەفتیە بەر ترۆمبێلا بابێ خۆ و گیانێ خۆ ژدەست دایە.

رەزیکی گوت ژی( 16 )رویدانێن بکارئینانا یاریێن ئاگری گەھشتینە بنگەھێن ساخلەمیێ ل سنورێ پارێزگەھا دھوکێ و (2) کەسان تبلێن خو ژ دەست داینە.

ناڤری دیارکر ژی: (86) کەسان سەرەدانا نەخۆشخانا سۆتنێ ل دھوکێ کرینە ژ ئەنجامێ رودانێن سۆتنێ و ب رەنگەکێ گشتی (20 ) کەسان وەغەرا دوماھیێ کریە و گیانێ خو ژ دەست داینە و (26) حالەتێن ڤەخوارنا گازێ ھەبونە و پتریا وان ل قەزا زاخو ئەڤ رویدانە پەیدا بونە و گوت ژی: (31) کەس ژ جھێن بلند کەفتینە و (8) حالەتێن ژەھریبوونێ دروست بوونە و (2721) کەس ب رێکا بنگەھێن ھاوار ھاتنا بلەز (122) ل ناڤ سەیرانیان دا ھاتنە چارەسەرکرن و ژ وان ژی(129) کەس ژ بەر خرابیا رەوشا وان بۆ نەخۆشخانا تەنگاڤیان ل دھوکێ ھاتنە رەوانەکرن.

حەمزە رەزیکی بەرپرسێ راگەھاندنا ساخلەمیا دھوکێ نەڤەشارت ژی: ل ھەردوو میحوەرێن (باشیک و نەوەران)بۆ پتر خزمەتکرنا پێشمەرگەیێن قارەمان ، تیمێن مە یێن نۆژداری ھەبونە و ئەو تیمە شیانە (45) کەس بو دەزگەھێن ساخلەمیا دھوکێ رەوانە بکەن و (386) نەخوش ل جھێن وان ھاتینە چارەسەرکرن.









باسنيوز