ب مه‌ره‌ما پاراستنا ژینگه‌هێ باژێرڤانیا ئاكرێ هه‌وه‌كا دژى سوتنا تایرا ل ده‌ڤه‌رێ ده‌ستپێكریه‌ بۆ وێ چه‌ندێ ژینگه‌ پیس نه‌بیت.



بلند ره‌زا، سه‌روكێ باژێرڤانیا ئاكرێ راگه‌هاند: ”ب هه‌ڤكارى ل گه‌ل جهێن شوله‌ژى لێژنه‌یه‌ك هاتیه‌ دوستكرن ب مه‌به‌ستا رێگرى كرن ل سوتنا تایرا ل روژێن نه‌وروزێ بۆ وێ چه‌ندێ دوكه‌له‌كا پیس و نه‌ساخله‌م به‌لاڤ نه‌بیت ب هه‌مو ره‌نگا سوتنا تایرا قه‌ده‌غه‌یه‌“.



ناڤبرى گوتژى: ”هه‌رسال ب ره‌نگه‌كێ ساخله‌م مه‌زنترین كه‌رنه‌ڤالا نه‌وروزێ ل سه‌رێ گرى ل ئاكرێ دهێته‌ ب رێڤه‌برن و پێدڤى ب سوتنا تایرا ناكه‌ت كو ژینگه‌ه پیس ببیت و نه‌خوشى به‌لاڤ ببن“.



بلند رەزا ته‌كه‌ز كر: ”نوكه‌و پشتى نه‌وروزێ دێ به‌رده‌وام سه‌یرانگه‌ه هێنه‌ پاقژكرن ژبۆى هاولاتیا دخوازین پێگیریى ب رێنمایێن ژینگه‌ه پارێزیێ بكه‌ن ل ده‌مێ گه‌شت و سه‌یرانا“.
bas neww-