نوونه‌رێ خه‌لكێ شنگال ل جڤاتا نوونه‌رێن عێراقى دیاركركو ئه‌ڤرۆكه‌ هێرشیێن توركیا بۆ سه‌ر عه‌فرینێ یێن بووینه‌ ئه‌گه‌ر كارتێكرنه‌كا مه‌زن ل ژیانا خه‌لكێ شنگال بهێته‌ كرن، نها ره‌وشا شنگال ژى كه‌ڤتیه‌ مه‌ترسیێ دا.

ماجد شنگالێ، نوونه‌رێ خه‌لكێ شنگال ل جڤاتا نوونه‌رێن عێراقى دیاركر:" خه‌لك شنگال دترسن پشتى شه‌رێ عه‌فرینێ ل شنگال ژى شه‌ر ده‌ست پێ بكه‌ت و حكومه‌تا عێراقى و توركیا رێكه‌ڤتنه‌كێ بكه‌ن ل سه‌ر ئه‌نجامدانا ئۆپه‌رسیۆنه‌كا له‌شكه‌رى ل شنگال بۆ سه‌ر جهێن په‌كه‌كێ.خه‌لكێ شنگال ناخوازن جاره‌كا دی شه‌ر ل شنگال رووبده‌ت. پێدڤیه‌ هه‌ر نۆكه‌ حكومه‌تا عێراقى و توركیا دیالۆگێ كێشه‌یا په‌كه‌كێ ل شنگال چاره‌سه‌ربكه‌ن".

خویا ژى كر:" پێدڤیه‌ حكومه‌تا عێراقى رازى نه‌بیت توركیا ئۆپه‌راسیۆنێن سه‌ربازى ل سه‌ر ئاخا عێراقێ ئه‌نجام بده‌ت چونكو ئه‌گه‌ر شه‌ر بهێته‌ كرن دێ خه‌لكێ مه‌ تووشى مالۆێرانیێ بیت ".







باسنيوز