به‌رپرسێ راگه‌هاندن و په‌یوه‌ندیان ل سه‌رۆكاتیا باژێرڤانیا دهۆكێ، راگه‌هاند، کو وان ده‌ست ب هه‌وه‌كێ كریه‌ بۆ پاقژكرنا جهێن ئاشكرا یێن سه‌یرانیێن نه‌ورۆزێ و ئه‌و جهه‌ هه‌موو ل نێزیكترین ده‌م دێ هێنه‌ پاقژكرن.

ئیسماعیل مسته‌فا، به‌رپرسێ راگه‌هاندن و په‌یوه‌ندیان ل سه‌رۆكاتیا باژێرڤانیا دهۆكێ، تیمێن وان دێ ده‌ست ب هه‌وه‌كا به‌رفره‌هـ یا پاقژكرنا جهێن سه‌یرانیێن نه‌ورۆزێ دكه‌ن و دێ ژ چیایێ زاوا و قارقاراڤا و گه‌لیێ كورتكێ و گه‌لیێ دهۆكێ ده‌ست پێ كه‌ن و گۆتیشى: پشتى هه‌رسێ رۆژێن سه‌یرانێن نه‌وروزێ ب دووماهى ژى دهێن، دیسا دێ هه‌وه‌كا دى یا پاقژكرنا جهێن سه‌یرانیێن نه‌وروزێ ده‌ست پێ كه‌ت.

ئاشكرا ژى كر، ل رۆژانێن نه‌وروز و سه‌یرانێن رۆژانه‌ دێ تیمێن مه‌ سه‌ره‌دانا جهێن سه‌یرانیان كه‌ن بۆ هندێ ئه‌و گلێشێ سه‌یرانى دكه‌نه‌ د كیسێن گلێشى دا ب كیس ڤه‌ بهێنه‌ راكرن.











باسنيوز