هەڤسەرۆکێ پەیەدێ راگەهاند، هێزێن تورکیا ل عەفرینێ چەکێن قەدەغەری ب کارئینایە و رووسیا گلۆپا کەسک ژ بۆ وان هەلکریە.

ئەڤرۆ، شاهۆز حەسەن، ل هەولێرێ ل بارەگایی پارتا زەحمەتکێشان کوردستانێ د پرێس کۆنفرانسەکی دا دیارکر، ئارمانجا تورکیا داگیرکرنا عەفرین هەتا کەرکووکێ یە .

ئەڤە زێدەتر ژ ٥٠ رۆژانە هێزێن تورکیا ب هاریکاریا سوپایێ سوریا ئازاد ئێڕشی سەر عەفرینی دکەن و هەیا نها نەشیاینە بچنە ناڤ وی باژاری.

ناڤهاتی دا زانین، هەیا میلیشایێن دناڤ سوریا دا بۆ تورکیا شەڕی دژی عەفرینێ دکەن و شوێنەوارێن عەفرینێ و خەلکێ وێ دکەنە ئارمانج و دڤێن وی باژاری داگیرکەن، هێزین وان چەکێن قەدەغەکری ب کارئینایە و رووسیا ژی گلۆپا کەس بۆ وان هەلکریە.

هەڤسەرٶکێ پەیەدێ هێشتا گۆت:'' ژ هەرێما کوردستانێ دخوازین هەلویستەکێ ڕۆن بەرامبەر عەفرینێ هەبیت، چونکی هەلویستێ هەرێما کوردستانێ هەلویستەک نەتەوەییە.
pdk -