بەڕێوەبەرایەتیی گشتیی كاروباری شەهیدان و ئەنفالكراوانی گەرمیان، دایك و باوك و هاوسەری شەهیدانی سەنگەر و جینۆساید ئاگادار دەكاتەوە، ئەوانەی ئارەزووی بەجێهێنانی فەریزەی حەج دەكەن، لە ماوەی 10 ڕۆژدا سەردانی بەڕێوەبەرایەتییەكە بكەن.

لە ئاگادارییەكەی بەڕێوەبەرایەتیی گشتیی كاروباری شەهیدان و ئەنفالكراوانی گەرمیاندا، هاتووە "ئاگاداری دایك و باوك و هاوسەری شەهیدانی سەنگەر و شەهیدانی جینۆساید (ئەنفال) دەكەینەوە، ئەوانەی ئارەزووی بەجێهێنانی فەریزەی حەج دەكەن، لە ماوەی 10 ڕۆژدا سەردانی بەڕێوەبەرایەتیی گشتیی كاروباری شەهیدان و ئەنفالكراوانی گەرمیان بكەن بۆ ناونووسین كە بە شێوەی تیروپشك ئەنجام دەدرێت".

بەپێی ئاگادارییەكە پێداویستییەكانی ناونووسین بریتین لە "كۆپی ناسنامە و كۆپی پێناسی ئەنفال".

لە ئاگادارییەكەدا جەخت لەوە كراوەتەوە "دەبێت داواكار پێشتر فەریزەی حەجی بەجێ نەهێنابێت".









باسنيوز