به‌رپرسێ راگه‌هاندنا پولیسێن پارێزگه‌ها دهوكێ، دیاركرن، کو به‌رى 33 رۆژان گه‌نجه‌ك ب ناڤێ (ئیسماعیل عه‌بدولا بێزه‌لى ـ رێكانى ) كو خه‌لكێ سه‌نته‌رێ ناحیا شێلادزێ بو به‌رزه‌ ببو و خه‌لك و كه‌س و كارێن وى ب هه‌مو ره‌نگان ژ دیتنا وى بێ هیڤى ببون و هزر دكر ئه‌و گه‌نجه‌ به‌ره‌ڤ عه‌فرینێ رێكه‌فتیه‌ لێ ب نه‌خوشبه‌ختانه‌یه‌ ئه‌ڤرۆ ته‌رمێ وى ل سه‌ر چیایه‌كێ شێلادزێ هاته‌ دیتن.

هێمن سلێمان، به‌رپرسێ راگه‌هاندنا پولیسێن پارێزگه‌ها دهوكێ، دیاركرن: ”ئه‌ڤرۆ ل رێكه‌فتى 11/3/2018 كومه‌كا گه‌نجێن شێلادزێ ب مه‌ره‌ما گه‌ش و گوزارێ چونه‌ ده‌وروبه‌رێن چیایێ كوره‌ژارى ل سنورێ ناحیا شێلادزێ لێ د ده‌مه‌كێ دا دبین كو ته‌رمێ گه‌نجه‌كێ ل چیاى مایه‌ و پشتى نێزیكى ته‌رمى دبن دبین نكو ئه‌و ته‌رمه‌ گه‌له‌ك بێ سه‌رۆ به‌ر بویه‌ و هه‌ر ب زوى وان پولیس ئاگه‌هدار كرینه‌“.

ناڤبرى، ئه‌و چه‌نده‌ ژى گوت: ”ده‌ما پولیس و كه‌س و كارێن وى قه‌ستا جهێ دیتنا وى ته‌رمى كرى وان دیت موبایلا وى یال نك ته‌رمێ وى و ئه‌و جلوبه‌رگێن به‌رى 33 رۆژان هه‌مان جلوبه‌رگ ل به‌ر بوون و بتنێ سه‌رێ وى وه‌ك كه‌له‌خ مایه‌ و وه‌كى دیتر ب چ ره‌نگان ته‌رمێ وى پاراستى نه‌مایه‌“.

‌نه‌ڤه‌شارت: ”هه‌ر ب زوو ته‌رمێ وى بو نوژداریا داد ل دهوكێ هاتیه‌ ره‌وانه‌كرن و ڤه‌كولینا وێ كه‌یسى دێ یا به‌رده‌وام بیت لێ وه‌ك ڤه‌كولینا ده‌ستپێكى دیار بویه‌ كو ئه‌و گه‌نجه‌ د كه‌ڤره‌كێ دا كه‌فتیه‌ خوارێ و پشتى به‌رزه‌بونا وى ژ 33 رۆژان ئه‌ڤرۆ ته‌رمێ وى ل چیایێ كوره‌ژارى هاته‌ دیتن“.










باسنيوز