فه‌رماندێ پێشمه‌رگه‌ى ل شنگال دیاركر كو گروپه‌كێ تیرۆرستیێن داعش ب جلكێن له‌شكه‌رێ زالگه‌هه‌كا پیشكنینى ل نێزیك كارگه‌ه جه‌منتۆیا شنگال دانان لێ خه‌لكێ شنگال زوو پێ حه‌سیان نه‌هێلان ئه‌و تیرۆرست ره‌ڤین.


ئه‌ڤرۆ ئەینی قاسم شه‌شۆ فه‌رماندێ فه‌رمانده‌یا شنگال یا پێشمه‌رگه‌ى كوردستانێ دیار كر "شانیێن نڤستى یێن تیرۆرستێن داعش ل ده‌ڤه‌را شنگال ژلایێ ته‌له‌عفه‌ر ڤه‌ په‌یدابووینه‌ ژلایێ ڤان شانیێن تیرۆرستان ڤه‌ ل نێزیك كارگه‌ه جه‌منتۆیا شنگال ل سه‌ر رێیا ناڤبه‌را شنگال بۆ ته‌له‌عفه‌ریێ دا زالگه‌هه‌كا وه‌همێ دانان لێ خه‌لك ده‌ڤه‌رێ زوو پێ حه‌سیان و زانێن ئه‌و زالگه‌ه نه‌یا تیرۆرستێن داعشێ یه‌ و ده‌مێ گه‌نجێن هێزا پاراستنا ئێزدیخانێ یێن حه‌یده‌ر شه‌شۆ به‌ره‌ڤ زالگه‌هێن چووین وان تیرۆرستان زالگه‌ه خوه‌ راكرن و به‌ره‌ڤ ده‌ڤه‌را ته‌له‌عفه‌ر ڤه‌ ره‌ڤین".


خۆیا ژى كر "به‌رى چه‌ند رۆژان شانیێن نڤستى یێن تیرۆرستێن داعش خوه‌ لێكدان و شه‌ره‌كێ توند دگه‌ل حه‌شدا شه‌عبى كرن ل سه‌ر سنۆرى سووریا و عێراقى هه‌تا نوكه‌ مه‌ترسیا كارێن تیرۆرى ل ده‌ڤه‌رى هه‌یه‌ ژبه‌ر هه‌بوونا ڤالاهیا ته‌ناهیى ل ده‌ڤه‌رێ".
bas news-