ئه‌ندامه‌كا جڤاتا قه‌زا شنگال دیاركركو ژبه‌ر رزگاركرنا تیرۆرستێن داعش ژلایێ هنده‌ك كه‌س ولایه‌نان ڤه‌، مه‌ترسیا دووباره‌بوونا كاره‌ساتا شنگال ل سه‌ر پاشه‌رۆژا خه‌لكێ شنگال دروست دبیت .

سوعاد لالۆ بشار ، ئه‌نداما جڤاتا قه‌زا شنگال دیاركر: "رزگاركرنا تیرۆرستێن داعش ژ زێندانان به‌رامبه‌ر گوژمێن پارەى یان ژى واسته‌كاریێ دهێنه‌ ئازادكرن یان ژى ب ریێا جهێن بلند ده‌ستهه‌لاتێ دا، چونكو په‌یوه‌ندیێن وان دگه‌ل كه‌سێن دناڤ ده‌ستهه‌لاتێ دا هه‌نه‌ ب ریێا وان كه‌سێن ناڤ ده‌ستهه‌لاتێ دا تیرۆرستێن داعش دهێنه‌ ئازادكرن. ئه‌ڤه‌ بێ ئومیدیەكا مه‌زن ل ده‌ڤ خه‌لكێ شنگال دروست دكه‌ت. خه‌لك دترسن ئه‌و تیرۆرستێن داعش یێن دهێنه‌ ئازادكرن جاره‌كا دی كاره‌ساتێ ب سه‌رێ خه‌لكێ بینن".

خویا ژى كر: "ئه‌و تیرۆرستێن به‌لگه‌ ل سه‌ر هه‌ین وبه‌شدارى كاره‌ساتا شنگالێ دا كرین، پێدڤیه‌ هه‌موو بهێنه‌ سزادان. هه‌تا ئه‌ڤرۆكه‌ هزاره‌ها كچ وژن وزارۆكێن ره‌ڤاندى ژلایێ وان تیرۆرستێن داعش ڤه‌ دبێ سه‌روشینن". 










باسنيوز