سه‌رۆكێ لیستا برایه‌تى وپێكڤه‌ ژیانێ ل جڤاتا پارێزگه‌ها نه‌ینه‌وا دیاركركو چوو ژیان لایى راستى یێ پارێزگه‌ها مووسل نه‌مایه‌ وهیچ خێزانه‌ك ژبه‌ر مین وته‌قه‌مه‌نیان نه‌شیت زڤرت هه‌تا نوكه‌ ته‌رمى كوشتیان دبن خانیان هه‌رڤاندى دا ماینه‌.



سه‌یدۆ چه‌تۆ، سه‌رۆكێ لیستا برایه‌تى وپێكڤه‌ ژیانێ ل جڤاتا پارێزگه‌ها نه‌ینه‌وا، دیاركر: "ژبه‌ر مه‌ترسیا مین وته‌قه‌مه‌نیان هه‌تا نوكه‌ حكومه‌تا عێراقى بۆ مووسل و ده‌شتا نه‌ینه‌وا چوو نه‌كریه‌ بتایبه‌تى ژى لایێ راستى یێ مووسل كوشتى دبن خانیان دانه‌ كه‌س وكارێن وان نه‌شین قه‌ستا مووسل بكه‌ن بۆ ده‌رخستنا ته‌رمێ كوشتیان بتنى لایى چه‌پى یێ مووسل خه‌لك یێ زڤرینه‌ وژیان لێ دهێته‌ رێڤه‌برن لێ لایى راستى یێ مووسلێ ژیان تێدا نێنه‌".



خۆیا ژى كر: "گه‌له‌ك جاران عێراقى سوزدایه‌ بۆ ده‌شتا نه‌ینه‌وا و مووسلى خزمه‌تان پێشكیش بكه‌ت لێ هیشتا سوزین خوه‌ بجه نه‌ئیناینه‌ دگه‌ل وه‌لاتیان".
bas news-