رێڤه‌به‌ریا هاتن و چوونا دهۆكێ رۆنكرنه‌كا بله‌ز ل دۆر وه‌رگرتنا پارێ سه‌یرانان كو بۆ هه‌ر خێزانه‌كا بچیته‌ سه‌یرانێ 25 هزار دینار دێ ژێ هێنه‌ وه‌رگرتن رادگه‌هینیت.



ئه‌ڤرۆ رۆژا شه‌مبى 3/3/2018 ل تۆرێن جڤاكى ده‌نگۆیه‌ك بلاڤبوویه‌ كو رێڤه‌به‌ریا هاتن و چوونا دهۆكێ، هه‌ر خێزانه‌كا د وه‌رزێ بۆهارێ دا بچیته‌ گه‌شته‌كێ و به‌ره‌ڤ ئاقارى بچیت، دێ د هه‌موو رێیان دا زالگه‌هان دانن و هه‌ر خێزانه‌كێ دێ 25 هزار دینار ژێ هێنه‌ وه‌رگرتن، وه‌كو باج بۆ پاقژكرنا ژینگه‌هێ و راكرنا گلێشى و ڤێ بریارێ ژى ره‌گڤه‌دانێن مه‌زن ل ناڤ تۆرێن جڤاكى دا ل پارێزگه‌ها دهۆكێ په‌یداكرینه‌.



رێڤه‌به‌ریا هاتن و چوونا دهۆكێ د به‌یاننامه‌كێ دا كو دانه‌یه‌ك ژێ هنارتیه‌ راگه‌هاندیه‌ كو مه‌ وه‌كو رێڤه‌به‌رى چو بریارێن هۆسا بلاڤنه‌كرینه‌ و چو راستى بۆ وێ بریارێ و وى ده‌نگۆى نینن.



رائیدێ مافپه‌روه‌ر ئازاد تاها، په‌یڤدارێ رێڤه‌به‌ریا هاتن و چوونا پارێزگه‌ها دهۆكێ، دیاركر كو كارێ رێڤه‌به‌ریا هاتن و چوونا دهۆكێ د هه‌موو گه‌شت و سه‌یرانان دا خزمه‌تكرنا هاوولاتیانه‌ و ڤه‌كرن و خۆشكرنا رێیان و پاراستنا خه‌لكى یه‌، نه‌كو سزادانا خه‌لكى یه‌ و چو راستى بۆ وان گۆتنان نینن.
bas news-