ب ئارمانجا پتر هاریكاریا په‌نابه‌رێن كه‌مپا گه‌ویلان، شانده‌كێ وه‌لاتێ كه‌نه‌دا ب سه‌رپه‌رشتیا (ئه‌ندرو ایرنر) جێگری بالیۆزی كه‌نه‌دا ل عیراقێ و (ئاڤانجلیا سلندنه‌) رێڤه‌به‌ری گشتیێ (spin master)و ولیام جامبرز سه‌رۆكی رێكخراوا (save the children) ل عیراقێ سه‌ره‌دانا كه‌مپا گه‌ویلان كرن.



سالم سه‌عید، به‌رپرسێ راگه‌هاندنا بۆردێ كارۆبارێن مرۆڤایه‌تى ل پارێزگه‌ها دهۆكێ، دیاركر، سه‌ره‌دانا بالیۆزخانا كه‌نه‌دا بۆ هندێ بوویه‌ ژ ئالیێ وان ڤه‌ خزمه‌تا په‌نابه‌رێن كه‌مپا گه‌ویلان بهێته‌ كرن و د ڤێ سه‌ره‌دانێ دا ده‌ست ب به‌لاڤكرنا هاریكاریان ل سه‌ر په‌نابه‌رێن وێ كه‌مپێ هاته‌ كرن.



به‌رپرسێ راگه‌هاندنا بۆردێ كارۆبارێن مرۆڤایه‌تى ل پارێزگه‌ها دهۆكێ، ئاشكرا ژى كر، كو جێگرێ بالیۆزێ كه‌نه‌دا د ئێكه‌م سه‌ره‌دانا خوه‌ و پرۆژه‌یێ خوه‌ یێ هاریكاریێ دا بۆ كه‌مپا گه‌ویلان دا 2 هزار و500 كارتۆنێن یاریێن زارۆیان ل سه‌ر زارۆیێن كه‌مپێ دابه‌شكرن كو ژیێ وان ل دناڤبه‌را دوو بۆ نه‌هـ سالان بوون كو هاتبووه‌ دابین كرن، دیسان بۆ نیزیك دیتنا ره‌وشا په‌نابه‌رێن كه‌مپێ یا رۆژانه‌، ئارمانج ژ ڤان هاریكاریان دلخۆشكرنا زارۆیێن كه‌مپێ بوو و پتر هایدار بوو ره‌وشا په‌نابه‌ران ل پارێزگه‌ها دهۆكێ.


ئاشكرا كر، كو د هه‌مان رۆژا ئه‌ڤرۆ یا پێنچشه‌مبى 1/3/2018 دا، ل كه‌مپا بێرسڤێ ب ئارمانجا پتر پشته‌ڤانیكرنا زارۆیان ل ناڤ كه‌مپان ب پشته‌ڤانیا رێكخراوا یونسیف رابوون ب ئه‌نجامدانا ئاهه‌نگه‌كێ بۆ زارۆیان ل ناڤ كه‌مپێ، ئاهه‌نگ هاته‌ ئه‌نجام دان و رێڤه‌برن ژلایێ سه‌نته‌رێ بێرسڤێ ٢ ڤه‌ و ژماره‌كا مه‌زن ژ زارۆیان ئاهه‌نگ هاته‌ برێڤه‌برن و چه‌ندیین برگێن هۆنه‌ری هاتنه‌ ئه‌نجام دان.
bas news-