پارێزگارێ دهۆكێ پێنچ پرۆژە پێشكێشی ئێكەتیا ئەورۆپی كرن
بەهزاد عەلی ئادەم، ئەندامێ كۆنفرانسێ وزا ساخلەمیێ و جێگرێ پارێزگارێ دهۆكێ راگەهاند: "هەر پێنچ پرۆژەیێن پارێزگارێ دهۆكێ پێشكێشی ئێكەتیا ئەورۆپی كرین دەربارەی وێ یەكێ بوون كا چاوا دێ خەلك فێری هندێ بیت كارەبێ ب شێوەیەكێ درۆست مەزێخیت و ئابووریێ تێدا كەت و ب چو رێك دێ شێن خانیان ب شێوازەكێ نوو بۆ خوە چێكەن و هەروەسا دێ چاوا پاس د ناڤ باژێری دا هێنە بكارئینان و هاتن و چوونا ترۆمبێلێن تایبەت كێمتر لێ هێت".
ئاشكرا ژی كر كو: "دناڤا سەنتەرێ پارێزگەها دهۆكێ هژمارا ئۆڤەرپاسان گەلەك یا كێمە ل بەرامبەر پارێزگەها هەولێرێ، لەوما پارێزگارێ دهۆكێ ئەڤ پرۆژە ژی پێشكێشی وان كریە و داخوازا پشتەڤانیا دارایی بۆ ئەنجامدانا ڤان پرۆژەییان ژ ئێكەتیا ئەورۆپی كریە".
خویاژی كر كو: "ئێكەتیا ئەورۆپی ب شێوەیەكێ زارەكی رازەمەندیا خوە بۆ وان پرۆژەیان دیاركریە بۆ هندێ خزمەتا خەلكێ دهۆكێ و هەرێما كوردستانێ بهێتە كرن".
باسنیۆز
