گه‌ره‌كى دوومیز له‌ كه‌ركووك كه‌ یه‌كێكه‌ له‌ گه‌ڕه‌كه‌ نوێه‌كانى شاره‌كه‌، له‌ دواى رووداوه‌كانى 16ى ئۆكتۆبه‌ره‌وه‌، به‌شێوه‌یه‌كی دوور له‌ شارستانییه‌ت، ئاژه‌ڵى تێدا به‌خێو ده‌كرێت و جاده‌كانیشى پڕ ده‌كرێت له‌ زبڵ.


له‌ ڕاپۆرتێكى كه‌ناڵى ئاسمانى (حوڕه‌)ى ئه‌مریكی، دانیشتووانى گه‌ڕه‌كه‌كه‌ به‌ده‌ست نه‌بوونى خزمه‌تگوزارى و پیسبوونى گه‌ڕه‌كه‌كه‌یان ده‌ناڵێنن.


به‌شداربووانى راپۆرته‌كه‌ باس له‌وه‌ ده‌كه‌ن، كه‌ گه‌ڕه‌كه‌كه‌یان به‌ته‌واوه‌تى پشتگوێ خراوه‌ و جاده‌كانیان كراوه‌ته‌ شوێنى فڕێدانى زبڵ، هاوكات به‌شێوه‌یه‌كی دوور له‌ شارستانییه‌ت ئاه‌ژڵى تێدا به‌خێو ده‌كرێت.


له‌ 16ى ئۆكتۆبه‌ر، شارى كه‌ركووك و خورماتوو و به‌شێك له‌ناوچه‌ كوردستانییه‌كان له‌لایه‌ن میلیشیاكانى حه‌شدى شه‌عبییه‌وه‌ به‌هاوكارى گرووپێكی نێو یه‌كێتى، داگیر كرا و به‌هۆیه‌وه‌ سه‌دان هه‌زار هاووڵاتى كورد ناچارى ئاواره‌یی بوون و ده‌یان هاووڵاتى و پێشمه‌رگه‌ش بوونه‌ قوربانى.










باسنيوز