سه‌رۆكێ جڤاتا قه‌زا شنگال دیاركركو ئه‌ڤه‌ دوو رۆژن ئه‌م كاردكه‌ین حكومه‌تا عێراقى گروپێن چه‌كدار هه‌موویان ژ شنگال ده‌ربیخت مخابن حكومه‌تا عێراقى سه‌ر هه‌موو ریێا ل به‌ر خه‌لكێ شنگال به‌رزه‌كرن.



وه‌یسى نایف، سه‌رۆكێ جڤاتا قه‌زا شنگال دیاركر: "ب نڤیساره‌كا فه‌رمى مه‌ داخاز ژ به‌غدا وئێدارا مووسل كریه‌ كار بكه‌ن بۆ ده‌رئێخستنا گروپێن چه‌كدار ژ ناڤ شنگالێ نوكه‌ حكومه‌تا عێراقى بۆ به‌رژوه‌ندیێن خوه‌ دناڤ خه‌لكێ شنگالێ دا كاردكه‌ت یێ هه‌موو هه‌ولدانان دكه‌ن نوونه‌رێن گرۆپێن چه‌كدار بچنه‌ ناڤ په‌رله‌مانێ عێراقى دا ببنه‌ نوونه‌رێن خه‌لكێ شنگال ئه‌م ل سه‌ر ڤێ پلانا حكومه‌تا عێراقى بێده‌نگ نابن ب فه‌رمی مه‌ داخاز كریه‌ حه‌شدا شه‌عبى و گرۆپێن دێ شنگال چوول بكه‌ن".



خۆیا ژى كر: "ئه‌سته‌مه‌ ئێزدى و موسلمان و مه‌سیحى بشین پێكڤه‌ زڤرنه‌ شنگال ژبه‌ر حكومه‌تا عێراقى چونكو به‌غدا نه‌ڤیت پێكڤه‌ ژیان وئاڤه‌دانیى ل شنگال بهێته‌ كرن نوكه‌ بۆ مه‌ره‌مین خوه‌ یێ سیاسى ل شنگال كاردكه‌ن".
bas news-