ڕۆژنامەی (سوجو)ی چاپی تورکیا بڵاوی کردووەتەوە کە ڕەوشی نائاسایی لە 31 ناوچەی پارێزگای هەکاری، کە بە ناوچەی ئەمنیی تایبەت ناسراون، درێژ کراوەتەوە و هەتا ڕێکەوتی 2018/3/9 درێژ کراوەتەوە.



لەمبارەوە پارێزگای هەکاری لە ڕاگەیەندراوێکدا ئاشکرای کردووە، بەهۆی کۆتایی نەهاتنی ئۆپەراسیۆنی سوپای تورکیا و ناسەقامگیریی لەناو شار، 31 ناوچەی وەک "چەلێ، شەمزینان، و ناوەچەکانی ناوەندی هەکاری" هەتا ڕێکەوتی 2018/3/9 هەروەک خۆیانوەک ناەچەی تایبەتی ئەمنی دەمێننەوە و هاووڵاتیان بەبێ وەرگرتنی مۆڵەت بۆیان نییە ڕوو لەو ناوچانە بکەن.



بەپێی زانیارییەکانی تورکیا، ئەم هەوڵ و ئۆپەراسیۆنانە لەڕاستای دژایەتیی پارتی کرێکارانی کوردستان (PKK) ئەنجام دەدرێن.



هەفتەی رابرووش لە 176 ناوچەی پارێزگای دیاربەکر لە باکووری کوردستان قەدەغەی هاتوچۆ ڕاگەیەندرا.








باسنیوز