سەرۆکی حکوومەتی هەرێمی کوردستان فەرمانی دامەزراندنی چوار بەڕێوەبەری گشتیی لە چوار وەزارەتی حکوومەت، دەردەکات.

بەپێی فەرمانەکە، کە نێچیرڤان بارزانی، سەرۆکی حکوومەتی هەرێمی کوردستان واژۆی لەسەر کردووە، رۆژی دووشەممە 12/2/2018 دەرکراوە ، فەرمانی دامەزراندنەکە لە رۆژی دەستبەکاربوونیانەوە جێبەجێ دەکرێت.

ناوی ئەو کەسانەی دامەزراون و ناوی وەزارەتەکان:

- بەشدار عەبدولخالق، بەڕێوەبەری گشتیی پەروەردەی هەولێر

- گواستنەوەی داماو محەمەد، فەرمانبەر لە وەزارەتی کارەبا بۆ وەزارەتی کاروباری شەهیدان و دەستبەکاربوونی لەو وەزارەتە لە پۆستی بەڕێوەبەری گشتیی شەهیدان و ئەنفالکراوانی هەولێر.

- گواستنەوەی یوسف چاوشین، فەرمانبەر لە دەستەی مافی مرۆڤ بۆ وەزارەتی کار و کاروباری کۆمەڵایەتی و دەستبەکاربوونی لەو وەزارەتە لە پۆستی بەڕێوەبەری گشتیی چاودێری و گەشەپێدانی کۆمەڵایەتیی هەولێر.

- جێگیرکردنی نەبەز محەیەدین لە پۆستی بەڕێوەبەری گشتیی شارەوانییەکانی هەولێر.









باسنیوز